پیپلز پارٹی نے اہم رہنما کی رہائی کا مطالبہ کر دیا

پیپلز پارٹی نے اہم رہنما سید خورشید شاہ کی رہائی کا مطالبہ کر دیا ،شیری رحمان نے بیان دیتے ہوئے کہا کہ سید خورشید شاہ کو نیب حراست میں 1 سال 2 ماہ گزر چکے ہیں، قانون کے مطابق نیب نے تین ماہ کے اندر ریفرنس دائر کرنا تھا،14 ماہ گزرنے کے بعد بھی سید خورشید شاہ کو ضمانت پر رہائی نہیں دی جا رہی، نیب کے پاس ثبوت تھے تو 14 ماہ کیوں گزر گئے ہیں،  

سپریم کورٹ اور عالمی ادارے نیب پر سوال اٹھا چکے ہیں، نیب سیاسی مخالفین کو نشانا بنانے کے لئے استعمال ہو رہا ہے، اب سپریم کورٹ بار بھی سید خورشید شاہ کی رہائی کا مطالبہ کر چکی ہے،انتقامی سرکار نیب گردی بند کرے، سید خورشید شاہ کی درخواست  ضمانت پر سماعت نہ کرنا نیب کی بدنیتی کا ثبوت ہے، سپریم کورٹ نیب گردی کا نوٹس لے،