پیپلزپارٹی اور ن لیگ پارٹی فنڈز کی جلد تحقیقات کیلئے درخواست پرسماعت کل ہو گی

0
25

پاکستان پیپلز پارٹی (پی پی پی) اور مسلم لیگ (ن) کے پارٹی فنڈز کی جلد تحقیقات کیلئے درخواست سماعت کیلئے مقرر کردی گئی۔اسلام آباد ہائی کورٹ کےچیف جسٹس اطہر من اللّٰہ کل پی ٹی آئی رہنما فرخ حبیب کی درخواست پر سماعت کریں گے۔ فرخ حبیب کی درخواست میں الیکشن کمیشن کو فریق بنایا گیا ہے۔

درخواست میں کہا گیا ہے کہ پارٹی فنڈز کی اسکروٹنی سے متعلق سپریم کورٹ کا حکم موجود ہے، پیپلز پارٹی اور مسلم لیگ ن کے محض تین برس کی فنڈز کی اسکروٹنی کی جا رہی ہے۔
درخواست میں موقف اختیار کیا گیا کہ اکبر ایس بابر کی درخواست پر پی ٹی آئی پارٹی فنڈز کی اسکروٹنی2008ء سے کی گئی، دیگر سیاسی جماعتوں کے مقابلے میں تحریک انصاف سے امتیازی سلوک کیا گیا۔

درخواست گزار نے کہا کہ الیکشن کمیشن نے پارٹی فنڈز کی اسکروٹنی سے متعلق اپنا منصفانہ اور شفاف کردار کھو دیا، عدالت الیکشن کمیشن کو پیپلز پارٹی، ن لیگ کے پارٹی فنڈز کی اسکروٹنی دو ہفتوں میں مکمل کرنے کا حکم دے۔

درخواست میں استدعا کی گئی ہے کہ عدالت پیپلز پارٹی، مسلم لیگ ن کی 5 سال کے پارٹی فنڈز کی اسکروٹنی کا حکم دے۔

Leave a reply