fbpx

پیپلزپارٹی حکومت کےاچھےکاموں میں تعاون کرے گی:یوسف رضا گیلانی نے”گل ای مُکا دتّی”

اسلام آباد:پیپلزپارٹی حکومت کے اچھے کاموں میں تعاون کرے گی:یوسف رضا گیلانی نے”گل ای مُکا دتّی”،اطلاعات کے مطابق پیپلزپارٹی نے انتخابی اصلاحات سمیت ملکی مفاد کیلئے قانون سازی کےلیے حکومت کو تعاون کی یقین دہانی کروا دی۔

ذرائع کے مطابق اس حوالے سے اپوزیشن لیڈر سینیٹ یوسف رضا گیلانی نے کہا کہ انتخابی اصلاحات ضروری ہیں، ہم ہرطرح کے تعاون کیلئے تیار ہیں، ہم چاہتے ہیں ایوان کا ماحول اچھا ہونا چاہیے۔

سید یوسف رضا گیلانی نے میڈیا سے گفتگو کرتے ہوئے کہا کہ اسپیکر اسد قیصر نے انتخابی اصلاحات اور ایوان کی کاروائی کیلئے تعاون مانگا ہے۔

یوسف رضا گیلانی کہتے ہیں کہ ہم چاہتے ہیں ایوان کا ماحول اچھا ہونا چاہیے، ہم نے اسپیکر سے کہا کہ ایوان کا ایسا ماحول بنائیں جہاں ہر رکن کو اظہار رائے کی مکمل آزادی حاصل ہو۔

سید یوسف رضا گیلانی نے کہا کہ انتخابی اصلاحات ضروری ہیں، ہم ہرطرح کے تعاون کیلئے تیار ہیں۔ انہوں نے 6 آزاد ارکان سے رابطوں کے بارے کہا کہ آزاد اراکین پارلیمنٹ سے میرا مسلسل رابطہ ہے۔

واضح رہے سینٹ میں قائد حزب اختلاف سید یوسف رضا گیلانی اور اسپیکر قومی اسمبلی اسد قیصر کے مابین ٹیلیفونک رابطہ بھی ہوا تھا، جس میں ایوان کا ماحول بہتر بنانے اور انتخابی اصلاحات پر تبادلہ خیال کیا گیا۔

جواب چھوڑیں

آپ کا ای میل ایڈریس شائع نہیں کیا جائے گا.