fbpx

پرانز سیخ کباب بنانے کی ترکیب

پرانز سیخ کباب
وقت : 40 سے 50 منٹ
8 سے 10 افراد کے لئے

اجزائے ترکیبی مقدار

درمیانے سائز کے پرانز (چھلے ہوئے) 1کلو
دنبے کی چربی (قیمہ) 200گرام
پیاز (کٹے اور نچڑے ہوئے) 1کپ
ادرک (باریک کٹا ہوا) 1کھانے کا چمچ
لہسن (باریک کٹا ہوا) 1کھانے کا چمچ
ہرا دھنیا (کٹا ہوا) 2چائے کے چمچ
ہری مرچیں (باریک کٹی ہوئی) 1کھانے کا چمچ
نمک حسب ذائقہ
سرخ مرچ پاؤڈر 2چائے کے چمچ
ہلدی پاؤڈر ½ چائے کا چمچ
زیرہ پاؤڈر 1چائے کا چمچ
سوڈا بائی کاربونیٹ ½ کھانے کا چمچ

چھڑکاؤ کے لئے :
چاٹ مصالحہ 2چائے چمچ

طریقہ کار:
پرانز کو چوپ کرلیں۔ ایک پیال میں دنبے کی چربی، ادرک، لہسن، ہری مرچیں، ہلدی اور زیرہ پاؤڈرشامل کریں اور اچھی طرح مکس کریں۔ اب چوپ کئے ہوئے پرانز، پیاز، ہرا دھنیااور سوڈابائی کاربونیٹ شامل کرکے دوبارہ مکس کریں اور آدھے گھنٹے کے لئے چھوڑ دیں۔ چوکور سلاخیں جو ایک سینٹی میٹر xایک سینٹی میٹر کی ہوں ان پر گیلے ہاتھوں سے تقریباً 50گرام پرانز کا مکسچر لپیٹیں۔ سلاخ پر 10سے 12 سینٹی میٹر لمبا کباب بنائیں۔ جو ½ سینٹی میٹر موٹا ہونا چاہئے۔ اسی طرح تمام کباب بنالیں۔ کوئلے کی انگیٹھی پر مکمل تیار ہونے تک پکائیں۔ چاٹ مصالحہ چھڑک کر پودینے کی چٹنی کے ساتھ پیش کریں۔ آپ کسی بھی سائز کے شرمپ یا پرانز استعمال کرسکتے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.