سید علی گیلانی اور ڈاکٹر عبدالقدیر خان کو خراج تحسین پیش کرنے کے لیے دعائیہ تقریب

0
34

حیدر آباد:سید علی گیلانی اور ڈاکٹر عبدالقدیر خان کو خراج تحسین پیش کرنے کے لیے دعائیہ تقریب ،اطلاعات کے مطابق آج کشمیر یوتھ ال سید علی گیلانی شہیدؒ اورمحسنِ پاکستان ایٹمی سائنسدان ڈاکٹر عبدالقدیر خان کو خراج تحسین پیش کرنے کے لیے دعائیہ تقریب کا انعقاد کیا گیا۔ ڈویژنل صدر کشمیر یوتھ الائنس حیدرآباد کی رہائش گاہ پر منعقد ہونے والی اِس دعائیہ تقریب میں 20 سے زائد نوجوانوں نے شرکت کی۔

حیدر آباد سے اطلاعات کے مطابق تقریب کی صدارت کشمیر یوتھ الائنس کے ڈویژنل صدر محمد اختر نے کی جبکہ یونین آف جرنلسٹ حیدرآباد کے صدر معروف مضمون نگارسید سرور ندیم تقریب کے مہمان خصوصی تھے۔ اِس موقع پر خطاب کرتے ہوئے سید سرور ندیم نے کہا کہ سید علی گیلانی اور ڈاکٹر عبدالقدیر خان پاکستان کے محب وطن تھے۔

انہوں نے کہا کہ نوجوان اور پاکستانی قوم ان دونوں عظیمرہنماؤں کو سلام پیش کرتی ہے۔ انہوں نے مزید کہا کہ تاریخ اِن شخصیات کو ہمیشہ یاد رکھے گی۔اِس موقع پر محمد اختر نے کہا کہ سید علی گیلانی ایک نظریہ تھے اور وہ مقبوضہ وادی جموں وکشمیر میں پاکستان کی مظبوط آواز تھے۔انہوں نے مزید کہا کہ دونوں شخصیات کی زندگی کشمیر اور پاکستان کے نوجوانوں کے لیے مشعلِ راہ ہے۔

ذرائع کے مطابق اِس تقریب میں کشمیر یوتھ الائنس کے ڈویژنل جنرل سیکریٹری محمد بلال بھی شریک تھے۔ شرکاء میں پاکستان پیٹریوٹک یوتھ کے صدر وہاب ریاض ودیگر عہدیداران نے شرکت کی۔ تقریب میں شریک قاری محمد فرمان نے کہاکہ دینِ اسلام ظلم وجبر کے خلاف مستعد قدمی سے کھڑے رہنے کا درس دیتا ہے۔ تقریب کے اختتام پر دونوں عظیم رہنماؤں کے لیے فاتحہ خوانی کے ساتھ ملک کی خوشحالی و ترقی اور مقبوضہ جموں و کشمیر کی آزادی کے لیے خصوصی دعا کی گئی۔ شرکا ء نے عہد کیا کہ مقبوضہ جموں و کشمیر کے مظلوم مسلمانوں کے لیے آواز بلند کرتے رہیں گے۔

Leave a reply