اور پشین گوئی سچ ثابت ہوگئی ، یہ پشین گوئی کس نے کی اور کس کے بارے میں کی ، جانیئے اس خبر میں‌

لاہور : تاریخ میں ایسےواقعات اکثر ملتےہیں‌ جن میں بڑی بڑی پشین گوئیوں کی صداقت کے بارے میں انکشافات کیے گئے تھے ، پھر دنیا نے دیکھا وہ پشین گوئیاں سچ ثابت ہوئی ایسے ہی ایک پشین گوئی بانی پاکستان قائد اعظم محمد علی جناح کے بارے میں کی گئی ، سوانح حیات جناح کری ایٹر آف پاکستان کے مصنف ’ہیکٹر بولیتھو‘ کے مطابق محمد علی جناح کے دائیں پاﺅں پر پیدائشی نشان دیکھ کر ایک بزرگ نے پیش گوئی کی تھی کہ یہ لڑکا بڑا ہوکر برصغیر کا بےتاج بادشاہ ہوگا،

پاکستان کے ایک معروف قومی روزنامے کے مطابق یہ پیشگوئی درست ثابت ہوئی اور انہوں نے انگریزوں سے مسلمانوں کیلئے ایک علیحدہ ملک پاکستان حاصل کیا ۔قائد اعظم محمد علی جناح کا پہلے پہل داخلہ ایک پرائمری اسکول میں کروایا گیا لیکن ننھے جناح کا زیادہ وقت کھیل میں گزرتا تھا۔یہ سلسلہ بھی دو ماہ سے زیادہ نہ چل سکا۔

شیلا ریڈی لکھتی ہیں قائد اعظم کی والدہ نے شرط رکھی کہ لندن جانے سے قبل محمد علی جناح کو شادی کرنا ہوگی۔ فاطمہ جناح اپنی کتاب’مائی برادر‘ میں لکھتی ہیں کہ اپنے فیصلے خود کرنے والے جناح نے شاید یہ پہلا اور آخری فیصلہ کسی اور کی مرضی سے کیاتھا۔

وہ اپنی ماں کا کہا نہیں ٹالتے تھے۔کاروباری رموز سیکھنے کی غرض سے لندن جانے والے جناح نے قانون پڑھ کر آگیا اور پھر وہ محمد علی جناح واقعی برصغیر کے بے تاج بادشاہ بن گئے ، اس ایک مرد مجاہد نے کئی محاذوں پر سکھوں ، ہندووں اور انگریزوں کا مقابلہ کرکے ہمارے لیے پاکستان حاصل کیا