ملکی تاریخ میں پہلی بار پریمیم نمبر پلیٹ کی نیلامی

جعلی نمبر پلیٹس بنا نے والی دکانوں کے خلاف بھی سخت سے سخت ایکشن لیں گے
0
96
sindh

کر اچی: پاکستان کی تاریخ میں پہلی بار پریمیم نمبر پلیٹ کی نیلامی 29 جون کو سندھ میں ہوگی۔

سندھ کے وزیر اطلاعات شرجیل میمن نے اتوار کو کراچی میں پریس کانفرنس کرتے ہوئے کہا کہ ان نمبر پلیٹس کی ایک بنیادی قیمت ہوگی،ان میں پلیٹس تین قسمیں (پلاٹینم، گولڈ اور سلور) شامل ہوں گی یہ ایک کھلی نیلامی ہوگی اگر میں چاہوں کہ مجھے اچھی نمبر پلیٹ مل جائے تو میں یہ نہیں کر سکتا کیونکہ اس کیلئے میرا اس کھلی نیلامی کا حصہ بننا لازمی ہے میگا نیلامی کی تقریب کے اخراجات صوبائی حکومت برداشت نہیں کر رہی ہم نے منصوبہ بنایا ہے کہ گاڑیاں بنانے والی کمپنیاں اس تقریب کو سپانسر کریں گی امید ہے کہ نیلامی حکومت کے لیے ”اچھا ریونیو“ پیدا کرے گی۔

شرجیل میمن نے کہا کہ جعلی نمبر پلیٹس استعمال کرنے والوں کے خلاف میگا آپریشن شروع کیا ہے، لوگ سندھ پولیس اور سندھ حکومت کے نام کی نمبر پلیٹس لگاکر گھوم رہے تھے،کوئی نہ سمجھے کہ اثرورسوخ پر چھوڑ دیں گے، کوئی قانون سے بالاتر نہیں، جعلی نمبر پلیٹس بنا نے والی دکانوں کے خلاف بھی سخت سے سخت ایکشن لیں گے، شرجیل میمن نے کہا کہ نگران حکومت کی کوتاہی کی وجہ سے ریڈ لائن منصوبے پر 8 ماہ سے کام بند تھا، ٹرانسپورٹ کے حوالے سے جلد نئے روٹس شروع کرنے جارہے ہیں لاڑکانہ اور حیدر آباد کے بعد نواب شاہ میں بھی بسیں چلنا شروع ہوجائیں گی۔

Leave a reply