پریزائیڈنگ اور اسسٹنٹ پریزائیڈنگ افسران کے لیے خصوصی ہدایت نامہ جاری

پریزائیڈنگ اور اسسٹنٹ پریزائیڈنگ افسران بیلٹ پیپرزکی کاؤئنٹرز فائل پر تمام معلومات کا اندراج کریں
0
119

اسلام آباد: الیکشن کمیشن آف پاکستان(ای سی پی) نے 8 فروری کو ہونے والے عام انتخابات کے لیے پریزائیڈنگ اور اسسٹنٹ پریزائیڈنگ افسران کے لیے خصوصی ہدایت نامہ جاری کر دیا ہے۔

باغی ٹی وی: ہدایت نامے میں کہا گیا ہے کہ پریزائیڈنگ اور اسسٹنٹ پریزائیڈنگ افسران پولنگ سے 2 گھنٹے پہلے پولنگ اسٹیشنز پہنچیں، الیکشن کمیشن کی جانب سے جاری ہدایت نامے کے مطابق پریزائیڈنگ اور اسسٹنٹ پریزائیڈنگ افسران بیلٹ پیپرزکی کاؤئنٹرز فائل پر تمام معلومات کا اندراج کریں، علاوہ ازیں بیلٹ پیپرز پر موجود جگہ پرووٹرز کی کاؤنٹرز فائل پر مردوں کا بایاں،خواتین کا دایاں انگوٹھا لگوائیں اور بیلٹ پیپرز کی پشت پر مخصوص نمبر والی سرکاری مہر لگائیں۔

واضح رہے کہ ملک بھر میں عام انتخابات 8 فروری کو شیڈول ہیں۔

Leave a reply