وزیراعظم کا فیصل واوڈا کے شو میں جوتا میز پر رکھنے کا سخت نوٹس

0
42

اسلام آباد:وفاقی وزیرفیصل واڈا کوبوٹ ٹی وی شومیں لے جانا مہنگا پڑگیا ، اطلاعات کےمطابق وزیراعظم عمران خان نے فیصل واوڈا کی جانب سے ٹی وی شو میں میز پر جوتا رکھنے کا سخت نوٹس لے لیا۔عمران خان نے فیصل وواڈا سے جوتا میز پر رکھنے کا جواب طلب کر لیا ہے اور کہا ہے کہ اس حرکت سے حکومت کا منفی تاثر گیا ہے۔

ذرائع کےمطابق فیصل واڈا کی اس حرکت پرپارٹی میں سخت ردعمل پایا جارہا ہے، ادھر معاون خصوصی فردوس عاشق اعوان نے بھی فیصل واوڈا کی حرکت پر افسوس کا اظہار کیا ہے۔انہوں نے کہا کہ بوٹ کو سیاست زدہ نہیں کرنا چاہیئے، بوٹ پاکستانی کی سلامتی کیلئے محازوں پر سرگرم ہے۔

گزشتہ روز ایک نجی ٹی وی کے ٹاک شو میں پی ٹی آئی کے مر کزی رہنما اور وفا قی وزیر فیصل واوڈا نے’بوٹ‘ سامنے رکھا اور کہا کہ ن لیگ نے لیٹ کر بوٹ کو عزت دی ہے، بوٹ کو چوم کر عزت دی ہے۔فیصل واوڈا نے ٹاک شو میں مزید کہا کہ کوئی شرم ، حیا ہے؟ قوم نے ان کی اصلیت دیکھ لی ہے۔اس شو میں فیصل واوڈا کے ہمراہ پیپلز پارٹی کے سینئر رہنما قمر زمان کائرہ اور مسلم لیگ ن کے جاوید عباسی بھی شریک تھے۔

انہوں نے یہ بھی الزام لگایا کہ مسلم لیگ ن کی رہنما مریم نواز کا ٹوئیٹر اکاوٴنٹ بند ہے کیوں کہ وہ مکمکا چاہتی ہیں، اگر ن لیگ جمہوری جماعت تھی تو اپنے موقف پر قائم رہتی ،چوری بچانے کیلئے نوازشریف ملک سے باہر چلے گئے۔

Leave a reply