ورلڈ ہیڈر ایڈ

وزیراعظم عمران خان کی مدینہ منورہ آمد ، مسجد نبوی ﷺ میں حاضری اور نوافل ادا کیے ، پاکستان کے لئے خصوصی دعائیں

مدینہ منورہ: پاکستان ، امت مسلمہ اور اسلام کے لیے وزیراعظم عمران خان کی خصوصی دعائیں ، اطلاعات کےمطابق وزیراعظم عمران خان کے لئے حجرہ روضہ رسول ﷺ خصوصی طور پر کھولا گیا۔ وزیراعظم نے پاکستان کی ترقی اور خوشحالی کے لئے خصوصی دعائیں کیں۔

سعودی حکام کی طرف سے جاری اعلامیے میں‌بتایا گیا ہے کہ وزیراعظم پاکستان عمران خان جدہ سے مدینہ منورہ پہنچے تو ایئرپورٹ پر ڈپٹی گورنر مدینہ شہزادہ سعود بن خالد الفیصل نے استقبال کیا۔ وزیراعظم نے مسجد نبوی پہنچنے کے بعد اپنے وفد کے ہمراہ روضہ رسول ﷺ پر حاضری دی اور نوافل بھی ادا کیے، ذرائع کے مطابق وزیراعظم عمران خان نے اہلیہ کے ہمراہ عمرہ کی ادائیگی کی۔ پاکستانی عوام اپنے لیڈر کو حرم میں اپنے درمیان دیکھ کر انتہائی پرجوش ہوئی۔

دوسری جانب وزیر خارجہ شاہ محمود قریشی اور دیگر نے بھی وزیراعظم کے ہمراہ بیت اللہ کے اندر نوافل ادا کئے۔ وزیراعظم اور وفد نے کشمیر، عالم اسلام کیلئے خصوصی دعائیں مانگیں۔ اس موقع پر وزیراعظم نے ایک بار پھر اعادہ کیا کہ وہ سعودی عرب کی مقدس سرزمین کی حفاظت کے لیے کسی بھی قربانی سے دریغ نہیں‌کریں‌گے

جواب چھوڑیں

آپ کا ای میل ایڈریس شائع نہیں کیا جائے گا.