fbpx

‏وزیر اعظم شہباز شریف کی ابو ظہبی کے ولی عہد الشیخ محمد بن زید النیہان سے ملاقات

دبئی :متحدہ عرب امارات کی مسلح افواج کے ڈپٹی کمانڈر اور ابوظہبی کے ولی عہد شیخ محمد بن زید النہیان نے ابوظہبی میں شاہی محل قصر الشاطی میں ملاقات سے قبل وزیر اعظم شہباز شریف کا استقبال کیا۔

وزیرِ اعظم شہباز شریف کا ایک روزہ دورہ متحدہ عرب امارات ،اطلاعات کے مطابق وزیرِ اعظم شہباز شریف اعلی سطحی وفد کے ہمراہ ایک روزہ دورے پر ابو ظبی، متحدہ عرب امارات پہنچ گئے ہیں.

متحدہ عرب امارات کے وزیرِ انصاف عبداللہ بن سلطان بن عود آل نعیمی نے وزیرِ اعظم اور پاکستانی وفد کا استقبال کیا.

ادھر پاکستان میں متحدہ عرب امارات کے کراچی میں قونصل جنرل بخیت عتیق الرومیتی نے کہا ہے کہ یو اے ای اور پاکستان کے مابین 70 سال سے مضبوط تعلقات ہیں اور یو اے ای نے پاکستان کی ہر حکومت کے ساتھ مثالی تعاون کیا ہے جو مستقبل میں بھی جاری رہے گا۔

قونصل جنرل بخیت عتیق الرومیتی نے اپنی رہائش گاہ پر کراچی کے صحافیوں سے ملاقات کی۔ اس دوران گفتگو کرتے ہوئے بخیت عتیق الرومیتی نے مزید کہا کہ متحدہ عرب امارات کی پاکستان کے ساتھ دوستی بے لوث اور مثالی ہے۔

انہوں نے کہاکہ پاکستان و امارات دوستی دنیا بھر کیلئے مثال ہے۔ یو اے ای حکومت ہر سال رمضان المبارک میں سندھ اور بلوچستان کے نواحی علاقوں میں مستحق خاندانوں میں راشن تقسیم کرتی ہے، اس سال بھی یہ سلسلہ زور شور سے جاری رہا۔

قونصل جنرل بخیت عتیق الرومیتی نے بتایا کہ اس رمضان المبارک میں سندھ اور بلوچستان کے مختلف شہروں میں 25 ہزار سے زائد مستحق خاندانوں میں راشن اور ضروریات زندگی کی اشیاء تقسیم کی گئی ہیں۔

انہوں نے کہا کہ یہی نہیں مقامی حکومت کے ساتھ مل کر کراچی، لاڑکانہ، خیرپور، سکھر، میرپور خاص میں صحت کے شعبے پر کام کر رہے ہیں۔

انہوں نے کہا کہ پاکستانی میڈیا کے مثبت کردار نے یو اے ای اور پاکستان کے مضبوط تعلقات میں اہم کردار ادا کیا ہے۔ ملاقات کے بعد دونوں ممالک کے برادرانہ تعلقات کو اجاگر کرنے پر صحافیوں کو شیلڈز بھی دی گئیں۔