چالیس لاکھ افراد کو ایک دو روز میں کورونا ریلیف امدادی چیک مل جائیں گے۔وزیراعظم نے غریبوں کوخوشخبری سنادی

اسلام آباد:چالیس لاکھ افراد کو ایک دو روز میں کورونا ریلیف امدادی چیک مل جائیں گے۔وزیراعظم نے غریبوں کوخوشخبری سنادی ،باغی ٹی وی کےمطابق وزیراعظم عمران خان نے اپنے خطاب میں غریبوں کوتسلی دیتے ہوئے کہاہےکہ کورونا ریلیف فنڈ کے لئے 10 ملین لوگ ایس ایم ایس کر چکے ہیں۔

باغی ٹی وی کےمطابق وزیراعظم عمران خان نے اپنے خطاب میں میں خوشخبری سناتے ہوئے کہا ہے کہ 40 لاکھ افراد کو چند روز میں چیک ملنا شروع ہو جائیں گے۔ ہم یہ فنڈ بڑھانے کی کوشش کریں گے

ان کا کہنا تھا کہ ہم نے لوگوں کو اشیائےخورونوش پہنچانی ہیں۔ احساس پروگرام کے تحت بہت جلدی لوگوں کو ریلیف ملے گا۔ ہم کرائے کے گھروں میں رہنے والوں کے لیے بھی پالیسی لا رہے ہیں۔

باغی ٹی وی کےمطابق وزیراعظم عمران خان نے اپنے خطاب میں کہا ہے کہ خوراک کی فراہمی یقینی بناتے ہوئے اس کی قلت نہیں ہونے دی جائے گی۔ ذخیرہ اندوزوں اور سمگلروں کو نشان عبرت بنایا جائے گا۔