"ٹک ٹاک” کا رکشہ اورشہزادی ہوئی شہزادے کی ہمسفر

اسلام آباد:”ٹک ٹاک” کا رکشہ اورشہزادی ہوئی شہزادے کی ہمسفر، برطانوی شہزادے ولیم اور اُن کی اہلیہ کیٹ مڈلٹن نے پاکستان کے ثقافتی رکشے میں سفر کر کے سب کے دل جیت لیے۔تفصیلات کے مطابق پاکستان کے خصوصی دورے پر آیا برطانوی شاہی جوڑا برطانوی سفارت خانے کی جانب سے منعقد تقریب ’’پاکستان مونومنٹ‘‘ میں شرکت کے لیے رکشے میں پہنچا۔

Check out the #RoyalVisitPakistan rickshaws on the roads of Rawalpindi and Lahore. Welcome to the Duke and Duchess of Cambridge. pic.twitter.com/3LKxB2LYe8

— UKinPakistan🇬🇧🇵🇰 #UKPakEkSaath (@ukinpakistan) October 12, 2019

شاہی جوڑے کی رکشے میں آمد ہوئی اور وہاں روایتی موسیقی کے ساتھ دونوں کا استقبال کیا گیا، شہزادہ ولیم نے اس موقع پر شیروانی اور ان کی اہلیہ کیٹ مڈلٹن سبز رنگ کا مشرقی شلوار قمیص زیب تن کیا ہوا تھا۔
https://twitter.com/hashtag/RoyaltourPakistan?src=hashtag_click

سوشل میڈیا صارفین کی جانب سے شاہی جوڑے کے رکشے میں سفر کرنے کے اقدام کو بہت زیادہ سراہا گیا۔ اسلام آباد کے مغربی علاقے شکرپڑیاں میں 2004 کو تعمیر ہونے والی ثقافتی عمارت پاکستان میں اتحاد کی علمبرداری کی علامت سمجھی جاتی ہے۔

یاد رہے کہ برطانیہ کا شاہی جوڑا پانچ روزہ دورے پر پاکستان پہنچا ہے، شہزادہ ولیم اور اُن کی اہلیہ کا اسلام آباد پہنچنے پر پرتپاک استقبال کیا گیا اور پھر انہوں نے صدر و وزیر اعظم سے ملاقاتیں بھی کیں جبکہ شاہی جوڑا اسلام آباد کے اسکول بھی کیا جہاں دونوں طالب علموں کے ساتھ گھل مل گئے تھے۔