ڈیرہ غازی خان: پروڈیوسر محمد سجاد کھوکھر عمرہ کی سعادت کے لیے روانہ

ڈیرہ غازی خان،باغی ٹی وی (نیوز رپورٹرشاہدخان) پروڈیوسر محمد سجاد کھوکھر عمرہ کی سعادت کے لیے روانہ

معروف پروڈیوسر اور آرٹسٹ محمد سجاد کھوکھر گزشتہ روز عمرہ کی سعادت حاصل کرنے کے لیے سعودی عرب روانہ ہوگئے۔ روانگی سے قبل اپنے پیغام میں انہوں نے دعا کی کہ اللہ تعالیٰ تمام مسلمانوں کو حج اور عمرہ کی سعادت عطا فرمائے اور پاکستان کو ترقی و خوشحالی سے نوازے۔

محمد سجاد کھوکھر ڈیرہ غازی خان کی تاریخ اور شوبز سے وابستہ افراد کی زندگیوں کے بارے میں گہرے علم کے حامل ہیں۔ وہ ایک اسٹیج ڈرامہ اور فلم بطور مصنف لکھ چکے ہیں جو جلد منظر عام پر آئیں گے۔

محمد سجاد کھوکھر نے مزید کہا کہ وہ اپنی فلم اور اسٹیج ڈرامے کی ہدایت کاری خود کریں گے اور کسی دوسرے ڈائریکٹر کو اس کا اختیار نہیں دیں گے۔ ان کا کہنا تھا کہ کئی دوست اسکرپٹ لینے آئے لیکن انہوں نے انکار کر دیا۔