گوجرہ: حکومت کے مقرر کردہ نرخوں پرکھاد نہ دی تو اس بار شدید احتجاج کریں گےـ چوہدری غلام نبی گورائیہ

باغی ٹی وی،گوجرہ( عبدالرحمن نامہ نگار )حکومت کے مقرر کردہ نرخوں پرکھاد نہ دی تو اس بار شدید احتجاج کریں گےـ چوہدری غلام نبی گورائیہ
تفصیل کے چوہدری غلام نبی گورائیہ سابق چیئرمین نے میڈیا نمائندہ چوہدری عبدالرحمن جٹ سے بات کرتے ہوئے کہا کہ انتظامیہ کی غفلت کی بناء پر یوریا اور ڈی اے پی کھاد بلیک میں فروخت ہو رہی ہے کہ پنجاب بھر میں گندم کی بوائی شروع ہوگئی ہے اور کسانوں کی مجبوری سے فائدہ اٹھاتے ہوئے ڈیلروں اور ذخیرہ اندوزوں نے کھاد کی بلیک میں فروخت پر نوٹس نہ لیا تو کسان برادری سڑکوں پر نکل آئے گی انہوں نے کہا کہ ذخیرہ اندوزوں اور کھاد ڈیلروں نے بعض افسروں کی ملی بھگت سے اور عدم توجیہی کی بناء پر کھادوں کے ذخائر خفیہ مقامات پر رکھے ہوئے ہیں اور دوکانوں پر صرف کھاد کی چند بوریاں رکھی ہوئی ہیں اور بلیک کی رقم وصول کرنے کے بعد دوبارہ آکر کھاد بوریاں دینے کا ذخیرہ اندوز اور ڈیلرز کہتے ہیں انہوں نے مزید کہا کہ کھاد کی بلیک میں فروخت کے باعث کسانوں میں سخت بے چینی پائی جاتی ہے چوہدری غلام نبی گورائیہ چیئرمین نے مطالبہ کیا کہ انتظامیہ فوری طور پر کھاد ساز فیکٹری سے ڈیلروں اور دوکانداروں کی فراہم کی جانے والی کھاد کا ریکارڈ حاصل کریں اور اس کی فروخت کو محکمہ زراعت اور محکمہ مال کے افسروں اور انسپکٹروں اور پرائس کنٹرول مجسٹریٹوں کی موجودگی میں یقینی بنایا جائے انہوں نے الزام لگایا کہ بعض افسران اور بااثر لوگ کھاد ڈیلروں کے حصہ دار بھی ہیں۔
ہمارا ڈی سی او ٹوبہ ٹیک سنگھ سے مطالبہ ہے کہ ہمارے مطالبات کو مانا جائے ورنہ ہمارا اگلا لائحہ عمل ملکاں والا چوک میں احتجاج کا ہوگا۔

Leave a reply