ورلڈ ہیڈر ایڈ

پی ایس 11، الیکشن کا شیڈول جاری

الیکشن کمیشن نے سندھ اسمبلی کی صوبائی نشست پی ایس 11 پر الیکشن کا شیڈول جاری کر دیا

باغی ٹی وی کی رپورٹ کے مطابق الیکشن کمیشن کی جانب سے پی ایس 11 کے ضمنی الیکشن کا شیڈول جاری کر دیا گیا ہے،پی ایس11میں ضمنی انتخاب17اکتوبر کوہوگا،کاغذات نامزدگی13سے15ستمبرتک جمع کروائے جا سکتےہیں،امیدواروں کے کاغذات کی اسکروٹنی 19 ستمبر کو ہو گی، کاغذات نامزدگی28ستمبر تک واپس لیے جا سکتےہیں،امیدواروں کی حتمی فہرست28ستمبر کوآویزاں کی جائےگی،پی ایس11لاڑکانہ کی نشست معظم علی کےڈی نوٹیفائی ہونے پرخالی ہوئی.

قبل ازیں الیکشن کمیشن نے پی ایس11لاڑکانہ سےمعظم علی خان کوڈی نوٹیفائی کردیا تھا،الیکشن کمیشن نےسپریم کورٹ کےفیصلےکی روشنی میں معظم علی خان کوڈی نوٹیفائی کیا ،سپریم کورٹ نے ندا کھوڑو کی درخواست پر فیصلہ سنایا تھا

اثاثےظاہر نہ کرنے پر سپریم کورٹ نے رکن سندھ اسمبلی کو ڈی نوٹیفائی کردیا

واضح رہے کہ سپریم کورٹ نے اثاثے ظاہر نہ کرنے پر سندھ اسمبلی کے منتخب رکن معظم علی خان کو ڈی نوٹیفائی کرنے کاحکم جاری کرتے ہوئے سندھ ہائیکورٹ کافیصلہ کالعدم قراردیا ہے اورالیکشن کمیشن کوہدایت کی ہے کہ حلقہ میں دوبارہ الیکشن کرائے جائیں۔ یاد رہے کہ معظم علی الیکشن 2018ء میں حلقہ پی ایس 11 لاڑکانہ 2 سے کامیاب ہوگئے تھے تاہم مخالف امیدوار ندا کھوڑو نے اثاثے چھپانے کا الزام لگاتے ہوئے ان کی کامیابی کو ہائیکورٹ میں چیلنج کیا تھا جس پر ہائیکورٹ نے معظم علی خان کے حق میں فیصلہ دیا۔ جس پر ندا کھوڑو نے ہائیکورٹ کا فیصلہ آنے کے بعد سپریم کورٹ سے رجوع کرلیا تھا۔

جمعرات کو عدالت نے ندا کھوڑو کی درخواست منظور کرتے ہوئے سندھ اسمبلی کا فیصلہ معطل کردیا اور الیکشن کمیشن کو حکم دیا کہ معظم علی کو ڈی نوٹیفائی کرکے حلقے میں دوبارہ الیکشن کرائے جائیں .

جواب چھوڑیں

آپ کا ای میل ایڈریس شائع نہیں کیا جائے گا.