پی ایس ایل 6: کراچی کنگز کیخلاف کوئٹہ گلیڈی ایٹرز 121 رنز پر ڈھیر:کپتان سرفرازبھی کچھ نہ کرسکے

کراچی : پی ایس ایل 6: کراچی کنگز کیخلاف کوئٹہ گلیڈی ایٹرز 121 رنز پر ڈھیر:کپتان سرفرازبھی کچھ نہ کرسکے،اطلاعات کے مطابق پاکستان سپر لیگ(پی ایس ایل) کے چھٹے ایڈیشن کے افتتاحی میچ میں دفاعی چیمپیئن کراچی کنگز کے خلاف کوئٹہ گلیڈی ایٹرز کی ٹیم 121 رنز بنا کر آؤٹ ہو گئی۔

کراچی میں کھیلے جا رہے میچ میں گلیڈی ایٹرز نے اننگز کا آغاز کیا تو پہلے ہی اوور میں ٹام بینٹن حریف کپتان عماد کی وکٹ بن گئے۔گلیڈٰ ایٹرز کو بڑا دھچکا اس وقت لگا جب بطور اوپنر بیٹنگ کے لیے آنے والے کپتان سرفراز احمد صرف 7 رنز بنانے کے بعد پویلین لوٹ گئے۔

 

کرس گیل نے جارحانہ بلے بازی کرتے ہوئے ٹیم کی نصف سنچری مکمل کی لیکن دوسرے اینڈ سے صائم ایوب جدوجہد کرتے نطر آئے اور 14 گیندوں پر 8 رنز بنانے کے بعد وقاص مقصود کو وکٹ دے بیٹھے۔کرس گیل نے دو چھکوں اور 4 چوکوں کی مدد سے 39 رنز بنائے لیکن اس سے قبل کہ وہ مزید خطرناک ثابت ہوتے، ڈینیئل کرسچن نے ان کی اننگز کا خاتمہ کردیا۔

 

 

کوئٹہ گلیڈی ایٹرز کی ٹیم ابھی ان نقصانات سے سنبھلی بھی نہ تھی کہ وکٹوں کے درمیان غلط فہمی کے نتیجے میں نواز رن آؤٹ ہو کر چلتے بنے۔اعظم خان جارحانہ موڈ میں نظر آئے لیکن 17 رنز بنانے کے بعد ٹیم بیچ منجدھار میں چھوڑ کر مڈوکٹ فیلڈر کو کیچ دے بیٹھے۔ڈینیئل کرسچن بھی مشکل میں ٹیم کے کام نہ آ سکے اور ارشد اقبال نے 11 رنز بنانے والے بلے باز کی وکٹیں بکھیر کر اپنی ٹیم کو ساتویں کامیابی دلائی۔

 

کراچی کنگز کو آٹھویں وکٹ کے لیے زیادہ انتظار نہیں کرنا پڑا اور محمد عامر نے عثمان شنواری کو نشانہ بنا کر میچ میں پہلی وکٹ حاصل کی جبکہ حسنین بھی زیادہ رنز بنانے میں ناکام رہے۔121 کے مجموعی اسکور پر وقاص مقصود نے قیس احمد کو آؤٹ کر کے کوئٹہ گلیڈی ایٹرز کی اننگز کا خاتمہ کردیا۔

میچ کے لیے دونوں ٹیمیں ان کھلاڑیوں پر مشتمل ہیں۔

کراچی کنگز: عماد وسیم(کپتان)، شرجیل خان، بابر اعظم، کولن انگرام، جو کلارک، محمد نبی، ڈین کرسچن، عامر یامین، وقاص مقصود، محمد عامر اور ارشد اقبال۔

کوئٹہ گلیڈی ایٹرز: سرفراز احمد(کپتان)، کرس گیل، ٹام بینٹن، اعظم، صائم ایوب، سرفراز احمد، بین کٹنگ، محمد نواز، محمد حسنین، نسیم شاہ، قیس احمد اور عثمان شنواری۔

جواب چھوڑیں

آپ کا ای میل ایڈریس شائع نہیں کیا جائے گا.