پی ایس ایل کے آج دو مقابلے ہونے جارہے ، لاہور قلندر کیا پہلا نمبر حاصل کر پائے گی ؟

0
59

پی ایس ایل کے آج دو مقابلے ہونے جارہے ، لاہور قلندر کیا پہلا نمبر حاصل کر پائے گی ؟

باغی ٹی وی :پاکستان سپر لیگ کے بقیہ میچز زور شور سے جاری ہیں آج دو میچز کھیلے جائیں گے، کراچی کنگز اور ملتان سلطانز کے درمیان پہلا مقابلہ ہوگا جبکہ دوسرے میچ میں لاہور قلندرز اور پشاور زلمی ٹکرائیں‌ گے .

دفاعی چیمپئن کراچی کنگز آج اپنا زور دکھانے کے لیے تیار ہے، کھلاڑی اس حوالے سے ملتان سلطانز کے خلاف جیت کے عزم کے ساتھ ابوظہبی کے میدان میں اتریں گے۔ میچ پاکستانی وقت کے مطابق شام چھ بجے شروع ہوگا۔

سابقہ ریکارڈ دیکھا جائے تو کراچی کنگز نے ملتان سلطان سے آٹھ میں سے چارمیچ جیتے، ایک ہارا، ایک ٹائی ہوا اور دو بےنتیجہ رہے۔ کراچی کنگز نے پی ایس ایل سکس کے میچ میں ملتان کو کراچی میں سات وکٹ سے شکست دی تھی ۔

اسی طرح پاکستان سُپرلیگ کا دوسرا میچ لاہور قلندرز اور پشاور زلمی کے درمیان کھیلا جائے گا۔ میچ پاکستانی وقت کے مطابق رات گیارہ بجے شروع ہوگا، اس دفعہ قلندرز کے پاس پہلی پوزیشن مستحکم کرنے کا بہترین موقع ہوگا۔

پشاور زلمی اگر فتح حاصل کرتے ہیں تو پوائنٹس ٹیبل پر اوپر آجائیں گے۔ ریکارڈز میں پشاور زلمی کا پلڑا بھاری ہے، دونوں ٹیموں کے درمیان اب تک بارہ میچ کھیلے گئے، زلمی نے آٹھ اور لاہور چار میں کامیاب رہا۔

اس سے قبل پاکستان سپر لیگ کے چھٹے ایڈیشن کے میچ میں لاہور قلندرز نے اسلام آباد یونائیٹڈ کو 5 وکٹ سے شکست دیدی۔

ابوظہبی میں کھیلے گئے پی ایس ایل 6 کے 15ویں میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 144 رنز بنائے جس کے جواب میں لاہور قلندرز نے مطلوبہ ہدف آخری گیند پر پورا کیا۔

Leave a reply