پی ایس ایل مشاورت سے ملتوی کیا ، بقیہ میچز کی نئی تاریخوں کا اعلان بعد میں کیا جائے گا، وسیم خان

پی ایس ایل ملتوی، بقیہ میچز کی نئی تاریخوں کا اعلان بعد میں کیا جائے گا،چیف ایگزیکٹو پی سی بی وسیم خان

باغی ٹی وی :پی سی بی کے چیف ایگزیکٹو وسیم خان ، چیف آپریٹنگ آفیسر سلمان نصیر اور پی سی بی میڈیکل پینل کے سربراہ ڈاکٹر سہیل سلیم نے پریس کانفرنس کرتے ہوئے کہا ہے کہ آج صبح فرنچائزمالکان سے مشاورت کے بعد پی ایس ایل کے میچز ملتوی کئے گئے ۔ میچز کی نئی تاریخوں کا اعلان بعد میں کیا جائے گا ۔تمام فیصلے صوبائی حکومتوں سے مشاورت کے ساتھ کئے ۔

انہوں نے کہا کہ سندھ حکومت کی ہدایت کے مطابق خالی اسٹیڈیم میں میچز کروانے کا فیصلہ کیا ۔ غیر ملکی کھلاڑیوں کو ان کی مرضی مطابق اپنے گھروں کو واپس جانے کی اجازت دی ۔تمام فرنچائز مالکان سے مشاورت کے بعد ان کی منشاسے فیصلے کئے ۔شائقین ، کھلاڑیوں اور آفیشلز کی صحت سب سے اہم ہے ۔ایک کھلاڑی جو کہ اپنے ملک واپس جاچکے ہیں ان میں علامات ظاہر ہوئی ہیں ۔ ہم نے حکومتی ایڈوائزری پر عمل کیا ۔آج کھلاڑی میں کرونا وائرس کی علامات سامنے آنے کے بعد ہم نے میچز ملتوی کرنے کا فیصلہ کیا ۔فرنچائز مالکان کو بھی اپنے کھلاڑیوں کی صحت کی فکر ہوتی ہے ۔

وسیم خان کا کہنا تھا کہ اس لیگ کے باقی میچز ری شیڈول کئے جائیں گے ۔تمام فرنچائز مالکان اور کرکٹ منیجرز سے مشاورت کے بعد نیا شیڈول ترتیب دیا جائے گا۔اس وقت پوری دنیا میں کرکٹ مقابلے منسوخ ہورہے ہیں ۔وسیم خان

ڈاکٹر سہیل سلیم نے کہا کہ پوری پاکستانی قوم کی صحت و تندرستی ہمارے لئے اہم ہے ۔اس وقت تمام کھلاڑیوں اور براڈ کاسٹرز کرونا ٹیسٹ جاری ہیں ۔س وقت پاکستان میں موجود کسی بھی کھلاڑی میں کرونا وائرس کی تصدیق نہیں ہو ئی ۔ احتیاطی تدابیر کے طور پر یہاں موجود تمام کھلاڑیوں اور براڈ کاسٹرز کے ٹیسٹ لیے جارہے ہیں ۔