لاہور، پی ایس ایل سیزن سیون کو بڑا ایونٹ بنانے کے لیے پی سی بی اور فرنچائز مالکان نے سرجوڑ لیے-

باغی ٹی وی: ذرائع کے مطابق مختلف معاملات پر پی ایس ایل فرنچائز اور پی سی بی کے رابطے جاری ہیں جبکہ مقامی کھلاڑی کی فہرست کو رواں ہفتے میں حتمی شکل دیئے جانے کا امکان ہے اور پلیئرز پک آرڈر اور پلیئرز ریٹینشن بھی رواں ہفتے فائنل ہوں گی-

ذرائع کا یہ بھی کہنا ہے کہ پی ایس ایل سیزن سیون کا پلیئرزڈرافٹ دسمبر کے دوسرے ہفتے میں کیے جانے کا امکان ہے پی ایس ایل کا آغاز آئندہ سال جنوری کے آخری ہفتے سے کیے جانے کی تجویز پر غور کیا جا رہا ہے-

پی ایس ایل 2022 کی تیاریاں: قذافی اسٹیڈیم کے باہر 20 فٹ لمبا بیٹ اور 12 فٹ چوڑی وکٹیں نصب

ذرائع نے یہ بھی بتایا کہ غیرملکی کھلاڑیوں کی آمد لیگ کے آغاز سے ایک ہفتے پہلے شروع ہوگیا اسپانسرشپ اور براڈکاسٹ کے ٹینڈرز بھی جلد فائنل کرلیے جائیں گے-

واضح رہے کہ پی ایس ایل سیزن 2022 کے لیے تیاریوں کا آغاز رواں ماہ کے شروع سے ہی کردیا گیا ہے اس بار پاکستان سپر لیگ کی افتتاحی تقریب 26 جنوری کو نیشنل اسٹیڈیم کراچی میں مجوزہ ہے، دوسری جانب قذافی اسٹیڈیم سے متصل ایل سی سی اے گراونڈ کے ایک کونے پر صفائی کرواکر فینز کی دلچسپی کے لیے بہت بڑا بیٹ اور وکٹیں نصب کی گئی ہیں۔

قومی ٹیم کے کپتان بابراعظم کے کلب کے بالکل سامنے 20 فٹ لمبا اور 3 فٹ چوڑا فائبر کا بیٹ تیار کیا گیا ہے، اس کے ساتھ 12 فٹ اونچی اور 6 فٹ چوڑی بیلز کے ساتھ وکٹیں بھی لگائی گئی ہے، ان کی تزئین و آرائش کا کام بھی ہورہا ہے۔