پی ایس ایل: کراچی کنگزکی پشاورزلمی کو پہلے بیٹنگ کی دعوت،لیکن کپتان ڈیرن سیمی میچ نہیں کھیل سکیں گے،کرکٹ شائقین پریشان
راولپنڈی :پی ایس ایل: کراچی کنگز کی پشاور زلمی کو پہلے بیٹنگ کی دعوت،لیکن کپتان ڈیرن سیمی میچ نہیں کھیل سکیں گے ، اہم وجہ سے کرکٹ شائقین پریشان،اطلاعات کےمطابق پاکستان سپر لیگ (پی ایس ایل) 2020 کے اہم میچ میں کراچی کنگز نے ٹاس جیت کر پشاور زلمی کو پہلے بیٹنگ کی دعوت دی۔
راولپنڈی کرکٹ اسٹیڈیم میں کھیلے جارہے پی ایس ایل کے 15 ویں میچ میں کراچی کنگز کے کپتان عماد وسیم نے ٹاس جیتا اور ڈیرن سیمی کی جگہ قیادت کرنے والے وہاب ریاض کو پہلے بیٹنگ کرنے کی دعوت دی۔وہاب ریاض نے کہا کہ پشاور زلمی کے مستقل کپتان ڈیرن سیمی اس میچ میں آرام کررہے ہیں ان کی جگہ شعیب ملک کو شامل کیا گیا ہے۔
I’ve learnt that you are important until you’ve completed your role. #dealingwithhumans
— Daren Sammy (@darensammy88) March 2, 2020
پشاور زلمی میں پاکستان ٹیم کے تجربہ کار اسپنر یاسر شاہ کو بھی پہلی مرتبہ موقع دیا گیا ہے اس کے علاوہ ویسٹ انڈیز سے تعلق رکھنے والے جارح مزاج بلے باز کارلوس بریتھویٹ بھی ٹیم کا حصہ ہیں۔قبل ازیں ڈیرن سیمی نے کوئی حوالہ دیے بغیر ٹوئٹر پر کہا تھا کہ ‘میں سیکھ چکا ہوں کہ کہ آپ اپنا کام مکمل کرنے تک اہم ہیں’۔
پشاور زلمی کو ڈیرن سیمی کی قیادت میں رواں سیزن میں اب تک 5 میچوں میں 2 میں کامیابی اور 2 میچوں میں شکست کا سامنا کرنا پڑا جبکہ ایک میچ بارش کی نذر ہوگیا تھا، کپتان ڈیرن سیمی بھی اب تک کھیلے گئے 5 میچوں میں بڑی اننگز کھیلنے میں ناکام رہے ہیں۔
پی ایس ایل 2020 میں اب تک دو سنچریاں بنائی گئیں ہیں جن میں سے پہلی سنچری زلمی کے کامران اکمل نے بنائی تھی جس کے بعد ملتان سلطانز کے رلی روسو نے تیز ترین سنچری بنائی تھی۔کراچی کنگز کے کپتان نے کہا کہ ٹیم میں ایک تبدیلی کی گئی ہے، عمید آصف کی جگہ عامر یامین کو شامل کیا گیا ہے۔خیال رہے راولپندی کرکٹ اسٹیڈیم میں گزشتہ روز کھیلے گئے میچ میں کراچی کنگز نے بہترین کھیل کا مظاہرہ کرکے اسلام آباد یونائیٹڈ کو 5 وکٹوں سے شکست دی تھی۔
میچ کے لیے دونوں ٹیمیں ان کھلاڑیوں پر مشتمل ہیں۔
پشاور زلمی:وہاب ریاض (کپتان)، کامران اکمل، ٹام بینٹن، حیدرعلی، لیام لیونگسٹن، شعیب ملک، لیوس گریگری، کارلوس بریتھویٹ، حسن علی، راحت علی، یاسر شاہ
کراچی کنگز: عماد وسیم(کپتان)، بابر اعظم، ایلکس ہیلز، شرجیل خان، کیمرون ڈیلپورٹ، چیڈوک والٹن، افتخار احمد، عماد وسیم، عامر یامین، کرس جورڈن، محمد عامر اور عمر خان
