پی ایس ایل: کراچی کنگز کا ٹاس جیت کر فیلڈنگ کا فیصلہ

0
23

لاہور: کراچی کنگز کا ٹاس جیت کر فیلڈنگ کا فیصلہ،اطلاعات کےمطابق پاکستان سپر لیگ (پی ایس ایل) کے اہم میچ میں کراچی کنگز نے لاہور قلندرز کے خلاف ٹاس جیت فیلڈنگ کا فیصلہ کیا ہے۔

ٹاس کے بعد کراچی کے کپتان عماد وسیم نے کہا کہ ٹیم میں 3 تبدیلیاں کی گئی ہیں اور عمر خان، عامر یامین اور کیمرون ڈلپورٹ کو ٹیم سے باہر کیا گیا ہے جبکہ ارشد اقبال، عمید آصف اور اسامہ میر کراچی کی ٹیم میں شامل ہوئے ہیں۔

لاہور کے کپتان سہیل اختر نے کہا کہ ہم بھی اگر ٹاس جیت جاتے تو پہلے فیلڈنگ کرتے۔

لاہور قلندرز نے اپنے گزشتہ چاروں میچز میں کامیابی حاصل کی ہے جبکہ دونوں ٹیموں کے درمیان قذافی اسٹیڈیم میں کھیلے گئے پہلے میچ میں سنسنی خیز مقابلے کے بعد لاہور نے کامیابی حاصل کی تھی۔

لاہور قلندرز اپنے 8 میچز میں سے 4 میں کامیابی کے بعد 8 پوائنٹس کے ساتھ اس وقت پوائنٹس ٹیبل پر تیسرے نمبر پر موجود ہے، جبکہ کراچی 7 میچ کھیل کر 7 پوائنٹس کے ساتھ پانچویں نمبر پر ہے۔

Leave a reply