انسانی جان سب سے مقدم ، پی ایس ایل سے پاکستانیوں کو بہت اچھی تفریح ملی ، عاطف رانا

انسانی جان سب سے مقدم ، پی ایس ایل سے پاکستانیوں کو بہت اچھی تفریح ملی ، عاطف رانا

باغی ٹی وی :لاہور قلندرز کے سی ای او عاطف رانا نے میڈیا سے گفتگو کرتے ہوئے کہا ہے کہ لیگ کے میچز ملتوی کرنے کا فیصلہ تمام فرنچائزمالکان کی مشاورت سے ہوا۔

انہوں نےکہا کہ یہ ایک مشکل وقت ہے سب نے مل کر اس کا مقابلہ کرنا ہے ۔انسانی زندگی سب سے اہمیت کی حامل ہے ۔ دوپہر کے وقت فرنچائز مالکان اور پی سی بی حکام کی کانفرنس کال پر میٹنگ ہوئی ۔اجلاس میں لیگ کے میچزملتوی کرنے کا فیصلہ ہوا ۔ پی سی بی کے چیئرمین اور چیف ایگزیکٹو نے لیگ کوپاکستان لانے میں اہم کردار ادا کیا ۔ لاہور کے شائقین کرکٹ نے قلندرز کو بہت محبت دی ۔قلندرز کے مداح پورے ملک میں موجود ہیں ۔ اسی طرح دیگر ٹیمیں جن میں‌کراچی کنگز، لاہور قلندرز، کوئٹہ گلیڈی ایٹرز اور اسلام آباد یونائیٹد کے فینز بھی پورے پاکستان میں ہیںِ. انہوں نےکہا کہ کسی بھی انسانی جان کی قیمت ہر کسی سےمقدم ہے کھیل چونکہ ایک انٹرٹینمنٹ کا ذریعہ ہے اور اس نے یقینا پاکستانیوں کو محضوض کیاہے ، پوری دنیا میں کھیلوں کے ایونٹ ملتوی یا کینسل ہو ہو رہے ہیں.