پی ایس ایل 5: پشاورزلمی نے کراچی کنگزکو152 رنزکا آسان ہدف دے کے کے کوجیتنے کا موقع فراہم کردیا

راولپنڈی :پی ایس ایل 5: پشاورزلمی نے کراچی کنگزکو152 رنزکا آسان ہدف دے کے کے کوجیتنے کا موقع فراہم کردیا ،اطلاعات کےمطابق پاکستان سپر لیگ (پی ایس ایل) کے پانچویں ایڈیشن کے 15 ویں میچ میں پشاور زلمی نے کراچی کنگز کو جیت کے لیے 152 رنز کا ہدف دے دیا۔راولپنڈی اسٹیڈیم میں کھیلے جارہے میچ میں کراچی کنگز نے ٹاس جیت کر پہلے فیلڈنگ کا فیصلہ کیا۔

کھیل کے میدان سے آنے والی خبروں کے مطابق پشاور زلمی کی جانب سے اننگز کا آغاز ٹوم بینٹن اور کامران اکمل نے کیا جو مایوس کن رہا اور بینٹن بغیر کوئی رن بنائے عامر کا شکار بنے، اس کے بعد آنے والے حیدر علی بھی 4 رنز بناکر عامر کی گیند پر بولڈ ہوئے۔

ٹورنامنٹ میں سنچری بنانے والے کامران اکمل بھی 4 رنز بناکر عامر یامین کی گیند پر بابر اعظم کو کیچ تھما بیٹھے۔تین کھلاڑیوں کے پویلین لوٹ جانے کے بعد شعیب ملک، لیام لیونگ اسٹون اور لوئس گریگوری کی ذمہ دارانہ بیٹنگ کی بدولت پشاور زلمی نے مقررہ اوورز میں 8 وکٹوں کے نقصان پر 151 رنز بنائے۔

شعیب ملک نے شاندار بیٹنگ کی اور55 گیندوں پر ایک چھکے اور 6 چوکوں کی مدد سے 68 رنز بناکر نمایاں رہے جبکہ لیام لیونگ اسٹون اور لوئس گریگوری 25، 25 رنز بناکر آؤٹ ہوئے۔ کراچی کنگز کی جانب سے محمد عامر نے 4 اور کرس جورڈن نے 2 کھلاڑیوں کو آؤٹ کیا۔

خیال رہے کہ پشاور زلمی کو میچ میں کپتان ڈیرن سیمی کی خدمات حاصل نہیں ہیں اور ان کی جگہ وہاب ریاض ٹیم کی قیادت کررہے ہیں۔

کراچی کنگز میں بابر اعظم ، عماد وسیم ، کیمرون ڈیلپورٹ ، الیکس ہیلز ، محمد عامر اور شرجیل خان شامل ہیں جو کسی بھی وقت میچ کا پانسہ پلٹ سکتے ہیں۔

دونوں ٹیموں کو دو میچز میں کامیابی ملی ہے اور دو میں میں شکست کا سامنا کرنا پڑا ہے۔ ایونٹ کے تمام میچز جیو سوپر پر براہ راست نشر کیے جارہے ہیں۔