fbpx

پاکستان ٹیلی کمیونیکیشن اتھارٹی (پی ٹی اے) نے 11 لاکھ سے زائد سوشل میڈیا آئی ڈیز بلاک کردیں

سوشل میڈیا پلیٹ فارمز پرغیر قانونی مواد اوراداروں کے خلاف منفی مہم میں ملوث11 لاکھ سے زائد آئی ڈیز بلاک کردی گئیں۔

پاکستان ٹیلی کمیونیکیشن (پی ٹی اے) نے سوشل میڈیا پلیٹ فارمز پر غیر قانونی مواد اور اداروں کے خلاف منفی مہم میں ملوث 11 لاکھ 35 ہزارسے زائد آئی ڈیز بلاک کردی ہیں۔ دستاویز کے مطابق پاکستان ٹیلی کمیونیکیشن اتھارٹی کو 12 لاکھ سے زائد شکایات موصول ہوئی تھیں، اور سب سے زیادہ 1 لاکھ 34 ہزار شکایات فیس بک پوسٹ کیخلاف ملیں۔ دستاویز کے مطابق پی ٹی اے نے فیس بک پر1 لاکھ 12 ہزار سے زائد جعلی آئی ڈیز کو بلاک کردیا۔

پی ٹی اے کے مطابق ٹک ٹاک پر غیر اخلاقی ویڈیوز کیخلاف 65 ہزار 122 شکایات ملیں، جن میں سے 63 ہزار غیر اخلاقی ویڈیوز بلاک کی گئیں۔ پی ٹی اے دستاویز میں بتایا گیا ہے کہ ٹوئٹر پر بھی 63 ہزار شکایات موصول ہوئیں، جس پر کارروائی کرتے ہوئے 50 فیصد مواد ہٹایا گیا، اور 31 ہزار 860 آئی ڈیز بلاک کردی گئیں۔ پی ٹی اے دستاویز کے مطابق یوٹیوب نے 36 ہزار ویڈیوز اور لائیکی نے بھی 900 سے زائد آئی ڈیز کو بلاک کیا ہے۔

سوشل میڈیا کیا ہے؟
سوشل میڈیا ایک کمپیوٹر پر مبنی ٹکنالوجی ہے جو ورچوئل نیٹ ورکس اور کمیونٹیز کی تعمیر کے ذریعے نظریات ، خیالات اور معلومات کو شیئر کرنے میں سہولت فراہم ہوتی ہے۔ سوشل میڈیا انٹرنیٹ پر مبنی ہے اور صارفین کو ڈیٹا کی فوری الیکٹرانک مواصلت فراہم کرتا ہے۔ یہ ڈیٹا مختلف اقسام پر مشتمل ہوتا ہے جس میں تصاویر، ویڈیوز ، پرسنل معلومات اور دیگر دستاویزات بھی شامل ہیں ۔ انٹرنیٹ یوزرز مختلف ویب سائٹس اور اپلیکیشنز کو استعمال کرتے ہوئے کسی بھی سمارٹ فون یا کمپیوٹر کے ذریعے سوشل میڈیا تک رسائی حاصل کرتے ہیں ۔ انڈونیشیا جیسے ایشیائی ممالک سوشل میڈیا کے استعمال کی فہرست میں سب سے آگے ہیں۔ 3.8 بلین سے زیادہ افراد سوشل میڈیا کا استعمال کرتے ہیں۔ سب سے بڑے نیٹ ورکس میں فیس بک ، انسٹاگرام ہے۔