fbpx

حمزہ شہباز کا حلف رکوانے کے لیے اپیل سماعت کے لئے مقرر

حمزہ شہباز کا حلف رکوانے کے لیے اپیل سماعت کے لئے مقرر
حمزہ شہباز کا حلف رکوانے کے لیے پی ٹی آئی کی انٹرا کورٹ اپیل پر اعتراض عائد کر دیا گیا

رجسٹرار آفس نے سنگل بینچ کے فیصلے کی تصدیق شدہ کاپی لف نہ کرنے کا اعتراض لگایا پی ٹی آئی کے وکیل اظہر صدیق نے کیس کو بطور اعتراض کیس فکس کرنے کی استدعا کر دی اپیل میں سنگل بینچ کے حلف سے متعلق فیصلے کو کالعدم قرار دینے کی استدعا کی گئی

پی ٹی آئی کی اپیل پر لاہور ہائیکورٹ نے اسپیشل بینچ تشکیل دے دیا جسٹس ساجد محمود اور جسٹس طارق جمیل ہر مشتمل بینچ سماعت کرے گا لاہور ہائیکورٹ کا 2رکنی بینچ ساڑھے 11بجے اپیل پر سماعت کرے گا

قبل ازیں لاہورہائیکورٹ فیصلے کے خلاف پی ٹی آئی اراکین پنجاب اسمبلی نے اپیل دائر کردی ہے-

باغی ٹی وی : ایڈووکیٹ اظہر صدیق نے کہا کہ عدالت کے تینوں فیصلوں میں تضاد ہے ،رات کو انٹرا کورٹ اپیل دائر کرنے آئے تھے مگر ڈائری صبح کے وقت ہوتی ہے-

وزیراعلیٰ پنجاب عثمان بزدار اور ان کی کابینہ کو بحال کردیا گیاہے،پی ٹی آئی رہنماؤں کا دعویٰ

وکیل پی ٹی آئی اظہر صدیق نے کہا کہ ہم نے فیصلے کے خلاف انٹرا کورٹ اپیل دائر کردی ہے،لاہور ہائیکورٹ کے 3 فیصلے حقائق کے برعکس ہیں گورنر اور صدر کو عدالت ہدایات نہیں دے سکتی اپیل کرنے کا حق چھیننے کی کوشش نہیں ہونی چاہیے-

وکیل پی ٹی آئی اظہر صدیق نے کہا کہ 11بجے سے پہلے پہلے اس اپیل پر سماعت ہونی چاہیے تاریخ میں یہ تینوں فیصلے نہیں رہنے

اسپیکر قومی اسمبلی نے پارلیمانی کمیٹی کیلئے نام مانگ لئے

پی ٹی آئی رہنما راجہ بشارت نے کہا کہ ابہام اس لیے پیدا ہوا جب کورٹ کا ایک کے بعد دوسرا فیصلہ آیا تیسرا فیصلہ پہلے دو فیصلوں سے منحرف تھا-

عدالتوں کے فیصلے ہیں انہیں ماننا پڑتا ہے وزیر اعلیٰ عثمان بزدار کی بحالی کا فیصلہ پنجاب کے آئینی سربراہ نے کیا حمزہ شہباز کے حلف سے میرا تعلق نہیں، حمزہ شہباز حلف اٹھا لیتے ہیں تو انہیں وزیر اعلیٰ نہیں مانیں گے-

آرمی چیف اور بِل گیٹس کے درمیان ٹیلی فونک رابطہ، پولیو مہم میں تعاون پر پاک فوج کی تعریف