صوبائی وزیر کی طبیعت ناساز، ہسپتال منتقل، کس کس نے عیادت کی؟

0
21

تحریک انصاف کے رہنما، اہم ترین صوبائی وزیر کی طبیعت ناساز، ہسپتال منتقل، کس کس نے عیادت کی؟

باغی ٹی وی کی رپورٹ کے مطابق تحریک انصاف کے رہنما، صوبائی وزیر میاں محمود الرشید علیل ہو گئے، انہیں دل کی تکلیف کے باعث کارڈیالوجی لایا گیا جہاں وہ زیر علاج ہیں،صوبائی وزیر کی پی آئی سی میں انجیو پلاسٹی کی گئی ہے۔میاں محمود الرشید کو دو سٹنٹ ڈالے گئے ہیں۔ وہ دو روز تک ہسپتال میں داخل رہیں گے۔

گورنر پنجاب چودھری محمد سرور پی آئی سی ہسپتال پہنچے جہاں انہوں نے صوبائی وزیر میاں محمود الرشید کی عیادت کی۔ بعد ازاں صوبائی وزیرصحت پنجاب ڈاکٹریاسمین راشد بھی پنجاب انسٹی ٹیوٹ آف کارڈیالوجی میں صوبائی وزیرہاوسنگ واربن ڈویلپمنٹ پنجاب میاں محمودالرشیدکی خیریت دریافت کرنے پہنچ گئیں۔ اس موقع پرمیڈیکل سپرنٹنڈنٹ پی آئی سی ڈاکٹرامیرودیگرڈاکٹرزبھی موجودتھے۔

صوبائی وزیرصحت نے میاں محمودالرشیدکو دی جانے والی ادویات وعلاج معالجہ کی تفصیلات حاصل کیں۔ ایم ایس پی آئی سی ڈاکٹر امیر نے ڈاکٹریاسمین راشدکوصوبائی وزیرمیاں محمودالرشیدکی انجیوگرافی ودیگررپورٹس کی تفصیلات سے آگاہ کیا۔

صوبائی وزیرصحت نے ایم ایس اوردیگرڈاکٹرزکومیاں محمودالرشیدکے بہترین علاج معالجہ کی ہدایت کی۔ اس موقع پر ڈاکٹر یاسمین راشد کا کہنا تھا کہ اللہ پاک میاں محمود الرشیدکومکمل صحت یابی عطاء فرمائے۔ میاں محمودالرشیدنے صوبائی وزیرصحت ڈاکٹریاسمین راشدکی آمدپرشکریہ اداکیا اورعلاج معالجہ بارے اطمینان کااظہارکیا۔

بعد ازاں سابق صوبائی وزیرعبدالعلیم خان بھی پنجاب انسٹی ٹیوٹ آف کارڈیالوجی پہنچے .عبدالعلیم خان نے صوبائی وزیر ہاؤسنگ میاں محمود الرشید سے ان کی خیریت دریافت کی اور جلد صحت یابی کی دعا کی

Leave a reply