پاکستان تحریک انصاف (نظریاتی) کا آئندہ بلدیاتی وعام انتخابات میں جڑواں شہروں کےتمام حلقوں میں اپنے امیدوار کھڑے کرنے کا اعلان

راولپنڈی: پاکستان تحریک انصاف (نظریاتی)نے آئندہ بلدیاتی و عام انتخابات میں راولپنڈی اسلام آباد کے تمام حلقوں میں اپنے امیدوار کھڑے کرنے کا اعلان کر دیا ہے –

باغی ٹی وی : ان خیالات کا اظہار پی ٹی آئی (این) راولپنڈی کے صدر و سابق امیدوار صوبائی اسمبلی نصراللہ خان نے راولپنڈی پریس کلب میں پریس کانفرنس کے دوران کیا اس موقع پرپارٹی چیئرمین اختر اقبال ڈار کی سالگرہ کاکیک بھی کاٹا گیااور انکی صحت کیلئے خصوصی دعا بھی کی گئی-

جامشورو سےکراچی کوبجلی فراہم کرنےوالے ہائی ٹرانسمیشن لائن کے ٹاور کو اڑانے کی کوشش

اس موقع پر پی ٹی آئی (این) شعبہ خواتین و دیگر شعبوں کے عہدیدار بھی موجود تھے نصراللہ خان نے کہا کہ مختلف سیاسی جماعتوں نے عوام سے جھوٹے وعدے کرکے ملک و قوم کو لوٹا اور اب حالت یہ ہو چکی ہے کہ عوام دو وقت کی روٹی کو ترس رہے ہیں،عوام کیلئے یوٹیلیٹی بلزوں اور بچوں کی فیسوں کی ادائیگی مشکل ہو چکی ہے، عوام کی اس حالت پر توجہ دینے کے بجائے آج بھی اقتدار کی رسہ کشی جاری ہے-

اوکاڑہ : سید صمصام بخاری کی رینالہ خورد آمد، پر پرتپاک استقبال، پھولوں کی پتیاں نچھاور

انہوں نے کہا کہ اختر اقبال ڈار نے یہ پارٹی عوام کو ریلیف دینے کیلئے بنائی ہے اسی لئے اس میں مزدور کسان محنت کشوں کو شامل کیا گیا ہے-

انہوں نےکہا کہ پارٹی چیئرمین کی ہدایت پر راولپنڈی اور اسلام آباد میں آئندہ بلدیاتی و قومی صوبائی اسمبلیوں کے انتخابات کے لئے امیدوار سے درخواستیں ابھی سے وصول کرنا شروع کردی ہیں ہم صرف درخواستیں ہی نہیں بلکہ انکی آمدن و جائیدادوں کی تفصیلات بھی طلب کر رہے ہیں کیونکہ پی ٹی آئی این کا منشور ہے کہ کرپشن کی سزا صرف اور صرف سزائے موت ہونی چاہے، اس لئے نیک اور اچھی شہرت کے حامل افراد کو ہی ٹکٹ جاری کئے جائیں گے۔

اوکاڑہ : فون پر لیلہ سے دوستی،کچہ میں اغواء کاروں کو 15 لاکھ تاوان دیکر مجنوں گھر…