راولپنڈی : پاکستان تحریک انصاف (پی ٹی آئی)کے سابق رکن صوبائی اسمبلی عمر تنویر بٹ کو پولیس نے گرفتار کر لیا۔
باغی ٹی وی: تفصیلات کے مطابق پاکستان تحریک انصاف کے راولپنڈی سے سابق رکن صوبائی اسمبلی عمر تنویر بٹ نے انسدادِ دہشتگردی عدالت کے سامنے سرنڈر کر دیا ملزم 9 مئی واقعات میں مطلوب اور کئی ماہ سے روپوش تھا، عمر تنویر کو 9 مئی کے مقدمے میں انسدداد دہشت گردی کی عدالت سے گرفتار کر لیا گیا ہے ، سابق رکن صوبائی اسمبلی عمر تنویر بٹ اپنے وکلا ساتھ عبوری ضمانت کیلئے عدالت میں پیش ہوئے اور درخواست دائر کرتے ہی خود کو عدالت کے سامنے سرنڈر کیا-
یوفون نے ٹیلی نار کے 100 فیصد حصص خرید لئے
انہوں نے میڈیا سے گفتگو کرتے ہوئے کہا کہ پورا یقین ہے ہمیں ضرور انصاف ملے گا،میں جس کیس میں اشتہاری تھا آج اسی میں سرنڈر کر دیا ہے 9 مئی کے واقعات نہیں ہونے چاہیے تھے ، بانی تحریک انصاف عمران خان اور ہم سب نے اس کی مذمت کی ہے، اداروں اور افواج پاکستان پر اعتماد ہے اور انصاف کی توقع ہے۔ اپنی بے گناہی ثابت کروں گا، ہم پاکستانی ہیں اور اپنے اداروں پر فخر ہے، بعد میں عمر تنویر بٹ کو وکلا کی موجودگی میں تھانہ سول لائنز راولپنڈی منتقل کردیا گیا۔
