ورلڈ ہیڈر ایڈ

وزیر خارجہ کا کشمیر متنازع بیان: پی ٹی آئی کا ردعمل سامنے آگیا

پاکستان تحریک انصاف نے شاہ محمود کے کشمیر متنازع بیان پر ردعمل دیتے ہوئے کہا ہے کہ "ان کی زبان پھسل گئی تھی" لیکن اصل بات یہ ہے کہ یہ ذمہ داری پاکستان تحریک انصاف کی نہیں ہے, اس غیر ذمہ دارانہ بیان پر انہیں خود سامنے آنا چاہیئے اور قوم سے معافی مانگنی چاہیئے

لاہور: پاکستان تحریک انصاف نے وزیر خارجہ کے متنازع بیان (جس میں انہوں نے جموں و کشمیر کو بھارتی ریاست قرار دیا تھا) پر ردعمل دیتے ہوئے کہا ہے کہ "شاہ محمود کی زبان پھسل گئی تھی”. یہاں اصل بات یہ ہے کہ شاہ محمود قریشی کو خود اس پر ردعمل دینا چاہیئے اور قوم سے فوری طور پر معافی مانگنی چاہیئے.

تفصیلات کے مطابق پاکستان تحریک انصاف نے سماجی رابطے کی ویب سائٹ ٹویٹر پر شاہ محمود کے کشمیر متنازع بیان پر ردعمل دیتے ہوئے کہا ہے کہ "ان کی زبان پھسل گئی تھی” لیکن اصل بات یہ ہے کہ یہ ذمہ داری پاکستان تحریک انصاف کی نہیں ہے کہ وہ شاہ محمود کے بیان پر ردعمل دے بلکہ اس غیر ذمہ دارانہ بیان پر انہیں خود سامنے آنا چاہیئے اور قوم سے معافی مانگنی چاہیئے. ساتھ ہی ساتھ انہیں اپنے اس بیان پر ردعمل بھی دینا چاہیئے.

واضح رہے کہ جنیوا میں انسانی حقوق کونسل میں خطاب کرنے کے بعد میڈیا سے گفتگو کرتے ہوئے شاہ محمود قریشی نے جموں و کشمیر کو بھارتی ریاست قرار دیدیا. شاہ محمود نے میڈیا سے گفتگو کرتے ہوئے کہا کہ "بھارت دنیا کو ظاہر کروا رہا ہے کہ کشمیر میں صورتحال معمول کے مطابق ہے، اگر جموں و کشمیر کی صورتحال واقعی بہتر ہے تو بھارت اپنی ریاست (جموں و کشمیر) میں میڈیا کو کیوں نہیں جانے دے رہا”

جواب چھوڑیں

آپ کا ای میل ایڈریس شائع نہیں کیا جائے گا.