تحریک انصاف کے رہنما قاتلانہ حملے میں چل بسے

باغی ٹی وی کی رپورٹ کے مطابق پاکستان کی حکمران جماعت تحریک انصاف کے رہنما قاتلانہ حملے میں جاں بحق ہو گئے

واقعہ خیبر پختونخواہ میں پیش آیا جہاں منیر اسپتال کے قریب گاڑی پر فائرنگ ہوئی جس میں پاکستان تحریک انصاف کے مقامی رہنما ساتھی سمیت جاں بحق ہو گئے

صوابی میں مردان روڈ پر منیر اسپتال کے قریب گاڑی پر فائرنگ سے تین افراد جاں بحق ہوگئے۔ جاں بحق ہونے والوں میں تحریک انصاف کے سابق ناظم ویلج کو نسل مانیری قمر خان بھی شامل ہیں۔

پولیس کا کہنا ہے کہ نامعلوم افراد کی فائرنگ سے ایک راہگیر بھی جاں بحق ہوا ہے جبکہ ایک شخص شدید زخمی ہے۔ زخمی اور لاشوں کو ڈی ایچ کیو صوابی منتقل کردیا گیا ہے۔

پولیس کا کہنا ہے کہ نامعلوم افراد کے خلاف مقدمہ درج کر کے علاقے کو گھیرے میں لے کر سرچ آپریشن شروع کردیا گیا ہے۔

تحریک انصاف کے رہنما کے جاں بحق ہونے پر پی ٹی آئی کارکنان کی بڑی تعداد ہسپتال پہنچ گئی ہے، وزیراعلیٰ خیبر پختونخواہ نے واقعہ کی تحقیقات کا حکم دیا ہے اور پولیس کو ہدایت کی ہے کہ ملزمان کو جلد گرفتار کیا جائے