پی ٹی وی ارطغرل کے ناظرین کیلئے بڑی خوشخبری

0
57

پی ٹی وی ارطغرل کے ناظرین کیلئے بڑی خوشخبری

باغی ٹی وی :سینیٹر فیصل جاوید نے کہا ہے کہ پی ٹی وی سے بات ہوئی ہے کہ ارطغرل کو ہفتےکے ساتوں دن چلایا جائے – وہ پوری کوشش کر رہے ہیں کہ ڈبنگ کےکام کو تیز کیا جائے اور روزانہ کی بنیاد پر ایک قسط چلائی جائے – ارطغرل غازی کے تمام سیزنز چلائے جائیں گے انشاءاللہ – عرصے سے تباہ حال ادارے کو بہت جلد ایچ ڈی میں کنورٹ کیا جائے گا.


پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے مگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے ملی اس کی مثال نہیں ملتی۔

دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

اس ڈرامے نے پاکستانی عوام کو اپنے سحر میں جکڑ رکھا ہے اس ڈرامے نے عید کے موقع پر یو ٹیوب پر اس ڈرامے کے 4 ملین سبسکرائبرز کے ساتھ ایک نیا ریکارڈ اپنے نام کر لیا ہے

واضح رہے کہ دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

Leave a reply