ڈی جی خان : عوامی مفاد کے منصوبوں کو جلد مکمل کیا جائے،میٹریل کے معیار اور مدت تکمیل پر ہر گز سمجھوتہ نہیں کیا جائیگا- کمشنر

باغی ٹی وی ،ڈیرہ غازیخان (شہزادخان نامہ نگار):ڈی جی خان کے ترقیاتی منصوبوں میں تیزی لانے کا عزم،کمشنر لیاقت علی چٹھہ نے ترقیاتی منصوبوں کی تکمیل کا ٹاسک دے دیا. اس سلسلے میں کمشنر لیاقت علی چٹھہ کی زیر صدارت منعقدہ اجلاس میں ڈپٹی کمشنر محمد انور بریار اور دیگر افسران موجود تھے. کمشنر نے پبلک ہیلتھ،ہائی ویز اور لوکل گورنمنٹ کے منصوبوں کا جائزہ لیا. انہوں نے کہاکہ عوامی مفاد کے منصوبوں کو جلد مکمل کیا جائے،میٹریل کے معیار اور مدت تکمیل پر ہر گز سمجھوتہ نہیں کیا جائیگا،سیوریج پائپ لائن کی تنصیب میں ریت کی بھرائی کی جائے،پاسپورٹ آفس ے گدائی اور پل ڈاٹ سے ریلوے پھاٹک روڈ کو جلد مکمل کرایا جائے. کمشنر نے کہاکہ تیار روڈز کی این او سی کے بغیر کھدائی پر مقدمات درج کرائیں گے،ڈائریکٹر ڈویلپمنٹ رانا عبید الرشید،ڈپٹی ڈائریکٹر وسیم اختر جتوئی، ڈائریکٹر لوکل گورنمنٹ ملک محمد رمضان،سپرنٹنڈنگ انجینئرز شعیب فیاض خلیل احمد کھوسہ،ایگزیکٹو انجینئرز میاں افتخار احمد،ذیشان فرید،ثقلین کھوسہ اور دیگر نے بھی اجلاس میں شرکت کی.