پنجاب اسمبلی کے چالیسویں اجلاس کی اگلی نشست کی تاریخ جاری

0
16

سپیکر پنجاب اسمبلی چودھری پرویز الٰہی نے پنجاب اسمبلی کے چالیسویں اجلاس کی اگلی نشست کی تاریخ دے دی –

باغی ٹی وی : قومی اسمبلی کی جانب سے جاری اعلامیے کے مطابق سپیکر پنجاب اسمبلی چودھری پرویز الٰہی نے پنجاب اسمبلی کے چالیسویں اجلاس کی اگلی نشست 28اپریل 2022 بروز جمعرات 11:30 بجے دن اسمبلی چیمبر میں مقرر کی ہے۔

اسمبلی سیکرٹریٹ نے 28 اپریل 2022 کی نشست کاگزٹ نوٹیفیکیشن بھی آج 17 اپریل کو جاری کر دیا ہے۔

ترجمان پنجاب اسمبلی نے افسران کی معطلی کی تردید کر دی

دوسری جانب پاکستان مسلم لیگ (ق) نے وزیر اعلیٰ پنجاب کے الیکشن کو چیلنج کرنے کا فیصلہ کیا ہے۔

چوہدری پرویز الہٰی کی زیر صدارت ق لیگ اور پی ٹی آئی کی پارلیمانی پارٹی کا اجلاس ہوا، جس سے خطاب کرتے ہوئے پرویز الہٰی نے کہا کہ کل ایک بوگس، غیر آئینی اور متنازع الیکشن کروایا گیا وزیر اعلیٰ کے الیکشن کو گورنر اور ایڈووکیٹ جنرل پنجاب متنازع قرار دے چکے، یہ آئینی مسئلہ ہے جب تک واضح صورت حال سامنے نہیں آتی الیکشن کو تسلیم نہیں کرسکتے۔

وفاقی حکومت نے گورنر پنجاب کو عہدے سے ہٹا دیا

پرویز الہٰی نے کہا کہ ماضی میں عدالتوں پر حملہ کیا اب پنجاب اسمبلی پر دھاوا بول دیا گیا، کل جو کچھ ہوا پنجاب کی پارلیمانی تاریخ میں کبھی پہلے نہیں ہوا، پولیس ایسے آئی جیسے ڈاکوؤں پر حملہ کرنے آئے ہیں یہ سب کچھ حمزہ شہباز کی سربراہی میں ہوا، ان کا ٹارگٹ تھا، پی ٹی آئی اور ہمارے ارکان کو ایوان سے باہر نکالا جائے۔

پرویز الہٰی نے کہا کہ ڈپٹی اسپیکر نے گیلری میں الیکشن کروایا جس کی کوئی آئینی حیثیت نہیں، مہمانوں کی گیلری میں میگا فون پکڑ کر تو کوئی بھی الیکشن کرواسکتا ہے جس طرح جعلی الیکشن کروایا اسی طرح کوئی جعلی گورنر ڈھونڈ کر جعلی حلف بھی لے لیں، ہم نے آئینی ماہرین کا اجلاس طلب کر لیا ہے، اس غیر آئینی الیکشن کو چیلنج کرنے کے لیے لائحہ عمل طے کیا جائے گا ہم نے جو درخواست دی ابھی تک اس پر مقدمہ درج نہیں کیا گیا۔

پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے

Leave a reply