اساتذہ کے تبادلوں کے لیے 61 دن مختص

لاہور: تعلیمی معیار بہتر بنانے کی طرف رواں دواں پنجاب کا محکمہ تعلیم، ہر روز نئے فیصلے نئے احکامات مگر صورت حال جوں کی توں ، اطلاعات کے مطابق محکمہ سکول ایجوکیشن نے اساتذہ کے تبادلوں کے حوالے سے نئی پالیسی جاری کردی ،ہر سال یکم جون سے 31 جولائی تک اساتذہ کے تبادلوں سے پابندی اٹھا لی جائے گی۔

محکمہ سکول ایجوکیشن کے مطابق نئی پالیسی کے مطابق ہر سال اساتذہ کے تبادلے کیے جائیں گے، ہر سال یکم جون سے 31 جولائی تک اساتذہ کے تبادلوں سے پابندی اٹھا لی جائے گی۔

محکمہ سکول ایجوکیشن ذرائع کے مطابق اب پنجاب میں اساتذہ کے تبادلے آن لائن ہی ہونگے، محکمہ سکول ایجوکیشن کے مطابق کنٹریکٹ اساتذہ بھی تبادلوں سے فائدہ اٹھا سکیں گے، محکمہ سکول ایجوکیشن نے نئی پالیسی کا باقاعدہ نوٹیفکیشن بھی جاری کردیا۔