پنجاب کے بڑے شہر میں پولیس پر حملہ، دو اہلکار شہید، حملہ آور ہلاک

0
33

پنجاب کے بڑے شہر میں پولیس پر حملہ، دو اہلکار شہید، حملہ آور ہلاک
باغی ٹی وی کی رپورٹ کے مطابق راولپنڈی پولیس پر دہشتگردانہ حملہ ہوا ہے، تھانہ کینٹ کے علاقہ صدر میں محافظ پٹرولنگ سکواڈ پر دہشتگرد کی فائرنگ سے ہیڈکانسٹیبل محمد علی اور کانسٹیبل سعید احمد شہید ہو گئے.

پولیس کے مطابق فائرنگ کی آواز پر ڈولفن اہلکار موقعہ پر پہنچے تو دہشتگرد نے ان پر بھی فائرنگ کی،دہشتگرد کی فائرنگ سے ڈولفن اہلکار حسن اکرم اور راہگیر خاتون زخمی ہوئے،پولیس اہلکاروں کی جوابی فائرنگ سے دہشتگرد ہلاک ہو گیا،

ترجمان راولپنڈی پولیس کے مطابق واقعہ کی اطلاع ملتے ہی آر پی او راولپنڈی سہیل حبیب تاجک، سی پی او راولپنڈی محمد احسن یونس، ایس ایس پی آپریشن، ایس ایس پی انویسٹی گیشن اور ایس پی پوٹھوہار موقعہ پر پہنچ گئے، زخمیوں کو ہسپتال منتقل کر دیا گیا ہے.

سی پی او راولپنڈی کا کہنا ہے کہ راولپنڈی پولیس فرض کی ادائیگی کے دوران کسی قربانی سے دریغ نہیں کرے گی، واقعہ کے بعد علاقہ کی سیکورٹی سخت کر دی گئی ہے اور پولیس کا گشت مزید بڑھا دیا گیا ہے، ناکوں پر بھی چیکنگ سخت کر دی گئی ہے،

Leave a reply