fbpx

پنجاب کی بیوروکریسی میں بھی بڑے پیمانے پرتبادلوں کا امکان، کس کس کا ہو گا تبادلہ؟

پنجاب کی بیوروکریسی میں بھی بڑے پیمانے پرتبادلوں کا امکان، کس کس کا ہو گا تبادلہ؟

باغی ٹی وی کی رپورٹ کے مطابق پنجاب کی بیوروکریسی میں بھی بڑے پیمانے پر اکھاڑ بچھاڑ متوقع ہے۔ذرائع کے مطابق نیا چیف سیکر ٹری پنجاب میں اپنی نئی بیوروکریسی کی ٹیم لائیں گے جس کیلئے بڑے پیمانے پر تبادلے متوقع ہیں۔

پنجاب حکومت نے چیف سیکرٹری پنجاب کی نئی تعیناتی کے بعد بڑے پیمارے پر تقرر وتبادلوں کا فیصلہ کیا ہے، ذرائع کے مطابق کمشنر ملتان ڈویژن کو تبدیل کرنے کا فیصلہ کیا گیا ہے،افتخار علی سہو کو پرنسپل سیکرٹری ٹو وزیراعلیٰ پنجاب تعینات کیا جائے گا

ڈاکٹر شعیب اکبر کو ایڈیشنل چیف سیکرٹری داخلہ پنجاب تعینات کرنے کا فیصلہ کیا گیا ہے،

بیورو کریسی میں تبادلوں کا سلسلہ شروع،نیا چیف سیکرٹری پنجاب کس کو تعینات کیا گیا؟

سی سی پی او لاہور، ڈی آئی جی آپریشنز، ایڈیشنل آئی جی سپیشل برانچ سمیت متعدد افسران بھی تبدیل ہوں گے ،سیکرٹری سروسز محمد الیاس ، سیکرٹری آئی اینڈ سی مسعود مختار کو تبدیل کرنے کا فیصلہ کیا گیا ہے،چیئرمین پی اینڈ ڈی ڈاکٹر حبیب الرحمن گیلانی کو بھی تبدیل کرنے کا فیصلہ کیا گیا ہے

سیکرٹری پی اینڈ ڈی عمران سکندر بلوچ ،ایڈیشنل چیف سیکرٹری پنجاب سید مرتضیٰ علی کو بھی تبدیل کرنے کا فیصلہ کیا گیا ہے، کمشنر فیصل آباد محمود بھٹی کوبھی تبدیل کیے جانے کا امکان ہے.

واضح رہے کہ کہ وزیراعلیٰ پنجاب عثمان بزدار گزشتہ ایک ہفتے میں وزیراعظم عمران خان سے 3 بار ملاقات کر چکے ہیں۔ ملاقاتوں میں پنجاب میں تبدیلیوں کے حوالہ سے اہم ترین مشاورت کی گئی جس کے بعد چیف سیکرٹری پنجاب اور آئی جی پنجاب کا تبادلہ کیا گیا، آج وزیراعلیٰ نے چیف سیکرٹری اور آئی جی سے الگ الگ ملاقاتیں کیں، آنے والے چند دنوں میں مزید تبادلوں کا امکان ہے

جواب چھوڑیں

آپ کا ای میل ایڈریس شائع نہیں کیا جائے گا.