fbpx

پنجاب میں کورونا کے ایکٹو کیسز کی تعداد25ہزار564 ہوگئی

پنجاب میں کورونا وائرس کے ایکٹو کیسز کی تعداد25ہزار564ہوگئی-

باغی ٹی وی : تفصیلات کے مطابق پنجاب بھر میں کیسزکی مجموعی تعداد 3لاکھ89ہزار689ہوگئی صوبہ بھر میں تین لاکھ 52ہزار328 مریض مکمل طور پر صحت یاب ہو چکے ہیں۔

سیکرٹری صحت پنجاب نے بتایا کہ صوبے میں 24گھنٹوں کے دوران کورونا کے مزید ایک ہزار392کیسز رپورٹ ہوئے ہیں جبکہ لاہور میں کورونا سے 13 اموات رپورٹ ہوئی ہیں۔

سیکرٹری صحت کے مطابق گزشتہ 24گھنٹوں کے دوران پنجاب میں کورونا سے ٹوٹل 40 اموات ریکارڈ کی گئی ہیں جس کے بعد اموات کی مجموعی تعداد11ہزار797ہوگئی ہے۔

واضح رہے کہ سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں کورونا وائرس کی چوتھی لہر زور پکڑنے لگی، ملک کورونا مریضوں کے حوالے سے مرتب کی گئی فہرست میں پھر 30 ویں نمبر پر پہنچ گیا۔

پاکستان میں کورونا کے باعث مزید 69 افراد جاں بحق

جس کے باعث حکومت پنجاب نے صوبے کے 11 اضلاع میں جاری لاک ڈاؤن میں 15ستمبر تک توسیع کردی ہے ان اضلاع میں لاہور، راولپنڈی، فیصل آباد، ملتان، خانیوال، میانوالی، سرگودھا، خوشاب، بہاولپور، گوجرانوالہ اور رحیم یار خان شامل ہیں-