پنجاب میں بارشیں معمول سے زیادہ ہونے کا امکان ہے،محکمہ موسمیات

rain

محکمہ موسمیات کے مطابق ملک کےبیشتر میدانی علاقوں میں موسم شدید گرم اور خشک رہے گا-

باغی ٹی وی : محکمہ موسمیات کے مطابق اسلام آباد میں دن کو موسم گرم ،شام کو آندھی اور گرج چمک کے ساتھ بارش کا امکان ہے خطہ پوٹھوہار، بھکر، لیہ ، ملتان ، سا ہیوال، او کا ڑہ، فیصل آباد اور جھنگ میں بارش متوقع ہے-

جولائی کے شروع میں لوڈ شیڈنگ میں کمی ہو گی، خرم دستگیر

محکمہ موسمیات کے مطابق قصور،خانیوال،بہاولپور، ر حیم یا رخان ، ڈ ی جی خان اور لاہورمیں بارش کا امکان ہے کوہستان ،چترال،دیر ، کرم ، وز یر ستان سوات، پشاور اورکوہاٹ میں بارش متوقع ہے ڈیرہ اسماعیل خان اور بنوں میں گرد آلود ہوائیں چلنے کا امکان ہے-

محکمہ موسمیات کے مطابق ملک کے بیشتر حصوں میں مون سون کی بارشوں کا سلسلہ جون کے آخری ہفتے سے شروع ہوگا ملک کے مختلف علاقوں خصوصاً پنجاب میں بارشیں معمول سے زیادہ ہونے کا امکان ہے مون سون بارشوں کا سلسلہ اگست کے مہینے تک جاری رہے گا۔

علاوہ ازیں محکمہ موسمیات کی جانب سے جاری ہونے والی 2022 کی رپورٹ میں بتایا گیا ہے کہ رواں سال ماضی کے مقابلے میں بارشیں زیادہ اور لمبے عرصے تک ہوسکتیں ہیں مون سون کا سیزن جولائی، اگست اور ستمبرہوتا ہے، جس میں اوسط بارش 131.9 ملی میٹر ریکارڈ کی جاچکی ہے جبکہ رواں سال مون سون کی بارشیں 140 ملی میٹر سے زیادہ ہوسکتی ہیں۔

کھلے مقامات پر گرمی کی شدت کی وجہ سے کارکن کے کام کرنے پر پابندی عائد:

محکمہ موسمیات کے مطابق رواں سال اپریل، مئی اور جون میں درجہ حرارت کا معمول سے زیادہ رہنا بھی مون سون بارشوں میں اضافہ کا ایک سبب ہے، شہر میں پری مون سون کی ابتدا رواں ماہ کے دوسرے ہفتے سے متوقع ہے اور مون سون بارشیں جون کے آخری ہفتہ میں متوقع ہے شمال مشرقی پنجاب، سندھ، کشمیر، خیبرپختونخواہ میں بھی معمول سے زائد بارشیں متوقع ہیں جبکہ بلوچستان اور گلگت بلتستان میں معمول کے مطابق بارشیں ہوسکتی ہیں۔

مارگلہ ہلز میں آتشزدگی،پاک فوج کا ہیلی سول انتظامیہ کی مدد میں مصروف

محکمہ موسمیات کے مطابق ملک کے بیشتر حصوں میں جون کے مہینے میں دن کا درجہ حرارت معمول سے زائد ریکارڈ ہوسکتا ہے، جس کے باعث شمالی علاقوں میں واقع پہاڑوں پر موجود برف تیزی سے پگھلنے کا خدشہ ہے، جس سے دریائے سندھ میں پانی کا بہاؤ تیز رہے گا۔

محکمہ موسمیات کے مطابق بحر اوقیانوس اور بحر عرب میں سمندر کے درجہ حرارت معمول سے کم ہیں، سمندر کے درجہ حرارت کم ہونے سے لانینا ایکٹو ہے، جس کی موجودگی میں مون سون زیادہ متحرک ہوتا ہے زیادہ برستا ہے رواں سال مون سون سیزن دو مراحل میں ہوگا، پہلا فیز 1 جولائی سے 15 اگست جبکہ دوسرا 15 اگست سے 31 ستمبر تک ہوگا، پہلے مرحلے میں بارشیں زیادہ ہوں گی جس سے سیلاب کا خطرہ جبکہ دریاؤں میں سیلابی صورت حال پیدا ہوسکتی ہے۔

عام آدمی کوریلیف دینے کیلئےآخری حد تک جاوں گا، حمزہ شہباز

دوسری جانب محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا-

محکمہ تحفظ ماحولیات پنجاب کے مطابق ٹاون ہال لاہور میں ائیر کوالٹی انڈیکس123ریکارڈ کیا گیا ٹاون شپ سیکٹر ٹو میں ائیر کوالٹی انڈیکس11،میٹرو لوجیکل ڈیپارٹمنٹ، جیل روڈ لاہور میں اے کیوآئی 155،نیشنل ہاکی اسٹیڈیم میں ائیر کوالٹی انڈیکس 137ریکارڈ کیا گیا-

محکمہ تحفظ ماحولیات پنجاب کے مطابق ائیر کوالٹی انڈیکس سے متعلق تمام ڈیٹا گھنٹے کی بنیادپر مرتب کیا گیا-

Leave a reply