چین کے ائیرپورٹ پر پنجاب پولیس کے دو افسران آپس میں لڑ پڑے
پولیس سروس آف پاکستان کا 12 رکنی وفد پاک چین اکنامک کوریڈور کی سکیورٹی کے مشترکہ ٹریننگ پروگرام میں شرکت کے لیے چین میں تھا،10 روزہ ٹریننگ یکم سے 12 جولائی تک تھی، وفد کی قیادت اسپیشل برانچ راولپنڈی کے ایس ایس پی فضل حامد کررہے تھے،ایس ایس پی سید کرار حسین، ایس ایس پی محمد بن اشرف، ایس پی اویس شفیق ،ایس پی انعم فریال، بشریٰ نثار ،اے ایس پی کائنات اظہر، زینب خالد، سندس اسحاق، بینگل خان اورطیب وزیر وفد کا حصہ تھے۔
دورے کے دوران کاشغر ائیرپورٹ پر پنجاب پولیس کے دو اعلیٰ افسران آپس میں جھگڑ پڑے جس میں افسران نے ایک دوسرے کو گالیاں دیں، چینی حکام اور وفد میں شامل خواتین پولیس افسران نے بیچ بچاؤ کروایا، آئی جی پنجاب ڈاکٹر عثمان انور نے واقعے کا نوٹس لیتے ہوئے تمام افسران کو آج اپنے دفتر بلا لیا ہے،
ایک اہلکار نے خبر رساں ادارے ڈان کو بتایا کہ یہ واقعہ اس وقت پیش آیا جب افسران 1 جولائی کو شروع ہونے والی تربیت ختم کرنے کے بعد واپس آ رہے تھے۔ انہوں نے الزام لگایا کہ BPS-19 کے افسران فضل حامد اور سید کرار حسین نے سنکیانگ کے ہوائی اڈے پر ایک دوسرے کو گالی گلوچ کی اور قابل اعتراض تبصرے کیے۔دونوں افسران آپس میں جھگڑتے رہے تو ان کے ساتھیوں نے جو وفد میں شامل تھے مداخلت کی اور کشیدگی کو کم کرنے میں کامیاب ہو گئے۔
