لاہور:پنجاب پولیس کے سپروائزری افسران کو بہتر مانیٹرنگ اور سپرویژن کیلئے سہولیات کی فراہمی کے مرحلہ وار پراجیکٹ کا آغاز کردیا گیا۔
باغی ٹی وی:آئی جی پنجاب نے پہلے مرحلے میں لاہور پولیس کے ایس ڈی پی اوز میں جدید فیچرزسے آراستہ کمپیوٹر سسٹم اوردیگر سامان تقسیم کیا۔تمام ایس ڈی پی اوز کو جدید کمپیوٹر سسٹمز، ایل ای ڈیز، یو پی ایس، سکینر، پرنٹرزاور بائیو میٹرک ڈیوائسز دی گئیں۔
سپروائزری افسران کو بہتر سے بہتر مانیٹرنگ کیلئے سہولیات کی فراہمی کے مرحلہ وار پراجیکٹ کا آغاز۔۔۔
فورس کی پرفارمنس کو مزیدبہتر بنانے کیلئے سپروائزری افسران کاکردار بنیادی حیثیت کا حامل ہے۔ آئی جی پنجاب#PunjabPolice #IGPunjab #Meeting pic.twitter.com/TqyK4kNS2w— Punjab Police Official (@OfficialDPRPP) January 7, 2021
آئی جی پنجاب نے کہا کہ فورس کی پرفارمنس کو بہتر بنانے کیلئے ایس ڈی پی اوز لیول پر سپروائزری افسران کا رول نہایت اہمیت کا حامل ہےتمام افسران ان جدید کمپیوٹر سسٹمز کے ذریعے اپنے دفاتر میں پیشہ ورانہ امور کی کلوز مانیٹرنگ کو یقینی بنائیں۔
آئی جی پنجاب نے کہا کہ سپروائزری افسران سروس ڈلیوری کے معیار کو بہتر سے بہتر بنانے کیلئے جدیدکمپیوٹر سافٹ وئیرز سے ہر ممکن استفادہ کریں پنجاب پولیس سروس ڈلیوری اورجنرل پولیسنگ کے معیار کو بہتر سے بہتر بنانے کیلئے آئی ٹی پر انحصار بڑھا رہی ہے۔
ڈی آئی جی آئی ٹی وقاص نذیر نے کہا کہ پنجاب کے تمام ایس ڈی پی اوز میں جدید کمپیوٹر سسٹم کی تقسیم کا باقاعدہ آغاز کردیا گیا ہےلاہو رکے بعد اگلے مرحلے میں صوبے کے دیگر اضلاع میں بھی سپروائزری افسران کو جدید کمپیوٹرز اور سامان مہیا کیا جائے گا۔
تقریب میں ایڈیشنل آئی جی،آئی اے بی غلام رسول زاہد، ایڈیشنل آئی جی لاجسٹکس علی عامر ملک، ایڈیشنل آئی جی آپریشنزصاحبزادہ شہزاد سلطان اور ڈی آئی جی آئی ٹی وقاص نذیر سمیت دیگر افسران بھی موجود تھے۔