پنجاب یونیورسٹی میں کشمیریوں سے اظہار یکجہتی کے لیے سیمینار کا انعقاد

جموں کشمیر سولیڈرٹی موومنٹ کے زیراہتمام پنجاب یونیورسٹی میں کشمیریوں سے اظہار یکجہتی کے لیے سیمینار کا انعقاد کیا گیا۔

باغی ٹی وی کی رپورٹ کے مطابق سیمینار سے چیئرپرسن جموں کشمیر سولیڈرٹی موومنٹ محترمہ عظمیٰ گل دختر جنرل حمید گل، وائس چانسلر پنجاب یونیورسٹی ڈاکٹر نیاز احمد اختراور دیگر نے خطاب کیا۔ سیمینار میںطلبہ و طالبات کی کثیر تعداد نے شرکت کی۔

سیمینار سے خطاب کرتے ہوئے مقررین نے مقبوضہ کشمیر میں بھارتی ریاستی دہشت گردی کی بھرپور مذمت کی اور انسانی حقوق کے عالمی اداروں سے اس پر فوری ایکشن لینے کا مطالبہ کیا۔مقبوضہ کشمیر کے لاکھو ں لوگ بھارتی فوج کے ظلم وجبر کا ثابت قدمی ، جرات و بہادری اور دلیری کے ساتھ مقابلہ کر رہے ہیں۔

مقررین نے مزید کہا کہ مقبوضہ جموں و کشمیر کے مظلوم عوام کی اپنے حق خودارادیت کے لیے دی گئی قربانیوں کو قدر کی نگاہ سے دیکھتے ہیں۔ پاکستان کے22کروڑ لوگ مظلوم کشمیریوں کی جدوجہد میں ان کے ساتھ کھڑے ہیں۔

مقررین نے طلبہ پر زور دیا کہ وہ اپنے مظلوم کشمیری بھائیوں کے لیے آواز اٹھائیں۔ سوشل میڈیا پر کشمیریوں کی آواز بنیںاور بھارت کی ریاستی دہشت گردی کو پوری دنیا کے سامنے بے نقاب کریں۔

جواب چھوڑیں

آپ کا ای میل ایڈریس شائع نہیں کیا جائے گا.