قبرستانوں کے اطراف ٹوٹی سڑکوں اور کیچڑ سے شہری اذیت میں مبتلا, ضلع کورنگی

کراچی کے ضلع کورنگی میں قبرستانوں کے اطراف ٹوٹی سڑکوں، کیچڑ اور کچرے نے شہریوں کو اذیت میں مبتلا کر دیا کراچی کے ضلع کورنگی کے قبرستانوں کے باہر کیچڑ اور کچرے کے ڈھیر لگ گئے۔ ٹوٹی سڑکوں، کیچڑ اور تعفن نے پیاروں کی قبروں پر آنے والے افراد کو امتحان میں ڈال دیا۔ شہری ضلعی انتظامیہ پر پھٹ پڑے اور کہا کہ شب برات کے موقع پر بھی صفائی نہیں کی گئی۔ بلدیاتی حکومتوں میں جو صورتحال تھی، اب بھی اسی کا سامنا ہے، برسوں سے یہاں سیوریج کا پانی اور کچرا جمع ہے لیکن صفائی کرنے والا عملہ آتا ہی نہیں۔ قبرستانوں میں آنے والے شہریوں کا کہنا تھا کہ حکومت صورتحال کی بہتری کیلئے اقدامات کرے۔