بھارت: قانون ساز اسمبلی کے مین گیٹ پر خالصتان کا جھنڈا لہرا دیا گیا

شملہ: بھارتی ریاست ہماچل پردیش میں قانون ساز اسمبلی کے مین گیٹ پر خالصتان کا جھنڈالہرایاگیا اوربیرونی دیواروں پر خالصتان کے حق میں نعرے درج کئے گئے۔

باغی ٹی وی : بھارتی میڈیا کے مطابق پولیس کو اتوار کی صبح قانون ساز اسمبلی کے مین گیٹ پر خالصتان کے جھنڈوں کی موجودگی کی اطلاع ملی ڈپٹی کمشنر ڈاکٹر نپن جندال نے واقعے کی تصدیق کرتے ہوئے کہا کہ دھرم شالہ کے مضافات میں واقع اسمبلی کمپلیکس کی دیواروں پر خالصتان کے حق میں نعرے بھی درج تھے۔

ڈپٹی کمشنر نےکہا کہ پولیس ملزمان کی گرفتاری کےلیےقریبی علاقوں کی سی سی ٹی وی فوٹیج کو چیک کر رہی ہے کچھ شرپسندوں نے ریاستی قانون ساز اسمبلی کےبیرونی گیٹ پر پانچ سےچھ خالصتانی جھنڈے لگائےتھےاور دیوار پر خالصتان زندہ باد کے نعرے لکھے تھے جھنڈوں کو ہٹا دیا گیا ہے ،تحریروں کو صاف کر دیا گیا ہے جبکہ پولیس نے مقدمہ درج کر لیا ہے اورمزید تحقیقات جاری ہے۔

پولیس نے کہا کہ ایسا لگتا ہے کہ یہ پنجاب کے کچھ سیاحوں کی کارروائی ہے نامعلوم افراد کے خلاف مقدمہ درج کر لیا گیا ہے۔

ایک الرٹ میں دعویٰ کیا گیا ہے کہ سکھز فار جسٹس کے سربراہ گروپتونت سنگھ پنوں نے ہماچل پردیش کے وزیر اعلی کو ایک خط لکھا تھا جس میں کہا گیا تھا کہ شملہ میں بھندرانوالہ اور خالصتان کا جھنڈا لہرایا جائے گا۔

سعودی فرماں روا شاہ سلمان بن عبدالعزیز علیل،اسپتال منتقل

اس سے قبل ہماچل پردیش نے بھنڈرانوالہ اور خالصتانی جھنڈے والی گاڑیوں پر پابندی لگا دی تھی جس نے سکھز فار جسٹس کو مشتعل کیا تھا تنظیم نے اعلان کیا تھا کہ وہ 29 مارچ کو خالصتانی پرچم لہرائے گی لیکن سخت سکیورٹی کی وجہ سے ایسا نہیں ہو سکا۔

دوسری جانب پاکستان مسلم لیگ (ن) اقلیتی ونگ کے مرکزی جنرل سیکرٹری اور پنجاب اسمبلی کے رکن سردار رمیش سنگھ اروڑا نے کہا ہے کہ سکھوں کیلئے الگ وطن خالصتان کے لیے جاری ریفرنڈم کا ردعمل زبردست رہا ہے تارکین وطن سکھ ریفرنڈم میں بھاری اکثریت سے حصہ لے رہے ہیں جو ابتدائی طور پر گزشتہ سال 31 اکتوبر کو لندن سے شروع ہوا تھا۔

انہوں نے مزید کہا کہ بعد میں کورونا وبا کی وجہ سے اس کی رفتار کچھ کم ہوگئی تھی تاہم ریفرنڈم کا یہ عمل اب دوبارہ شروع کر دیا گیا ہے اور لوگ اس میں بھرپور حصہ لے رہے ہیں خالصتان ریفرنڈم اقوام متحدہ کی توجہ بھارتی پنجاب میں سکھوں کے لیے علیحدہ وطن کی طرف مبذول کرائے گا بھارت سکھوں کو ان کا پیدائشی حق آزادی حاصل کرنے سے ہرگز نہیں روک سکتا۔

Leave a reply