fbpx

راج کندرا پر فحش فلموں کا الزام: بالی ووڈ سٹارز اور قریبی دوست شلپا شیٹھی سے کترانے لگے

راج کندرا کا فحش فلمیں بنانے کا الزام سامنے آنے کے بعد بہت سے بالی ووڈ سٹارز اور قریبی دوستوں نے اداکارہ شلپا شیٹھی سے آنکھیں پھیر لیں-

باغی ٹی وی : بھارتی میڈیا کے مطابق اداکارہ شلپا شیٹھی کے قریبی ذرائع کا کہنا ہے کہ بالی ووڈ میں اداکارہ کے کسی دوست نے اب تک ان کے لیے آواز نہیں اٹھائی، ہمیں ان دوستوں کا نام لینے کی ضرورت نہیں، اگر صرف اداکارہ کی پارٹی ویڈیوز اور سوشل میڈیا تصاویر دیکھ لی جائیں تو اندازہ ہوسکتا کہ شلپا شیٹھی کس سے کتنا لگاؤ رکھتی ہیں۔

ذرائع کے مطابق بالی ووڈ کے ایک اداکار نے بتایا ہے کہ راج کندرا کے فحش فلموں کا سکینڈل ایک انتہائی نازک معاملہ ہے، یہ کوئی عام تنازعہ نہیں، کوئی بھی نہیں چاہے گا کہ وہ اس سکینڈل کا حصہ بنے، اس لیے کوئی حمایت نہیں کر رہا۔

ذرائع کا کہنا ہے کہ جب شلپا شیٹھی کو گرفتار کرنے کی افواہیں عام ہوئیں تب مجھے اداکارہ سے کچھ گفتگو کرنے کا موقع ملا شلپا شیٹھی نے مجھ سے کہا کہ فلم انڈسٹری میں کوئی کسی کا مستقل دوست نہیں ہوسکتا-

شلپا نے کہا کہ آپ تب تک دوست ہوتے ہیں جب تک آپ ساتھ میں کام کر رہے ہوں، لیکن جوں ہی کام کا اختتام ہوتا ہے، تمام دوستیاں خودبخود ختم ہو جاتی ہیں، صرف آپ کے اہل خانہ اور فلم انڈسٹری سے باہر کے کچھ دوست زندگی بھر آپ کے ساتھ رہتے ہیں۔

پولیس چھاپے کے دوران شلپا شیٹھی شوہر پر روتے ہوئے اونچی آواز میں جھگڑا کر رہی تھیں ممبئی پولیس

واضح رہے کہ ممبئی کی پولیس نے انکشاف کیا تھا کہ راج کندرا کے گھر چھاپے کے وقت شلپا اپنے شوہر سے جھگڑا کر رہی تھیں اور ان پر اونچی آواز میں چیختے ہوئے کہہ رہی تھیں کہ معاشرے میں ہمارا اچھا مقام ہونے کے باوجود انہوں نے ایسا اقدام کیوں اٹھایا ہ انڈسٹری میں ہمارے خاندان کی ساکھ خراب ہوگئی مجھے مالی نقصان کا بھی سامنا کرنا پڑا، اس الزام کی وجہ سے میرے بہت سے پراجیکٹس منسوخ کر دیئے گئے ہیں۔

خیال رہے کہ شلپا شیٹھی کے شوہر راج کندرا کو ممبئی پولیس کی کرائم برانچ نے گرفتار کیا تھا راج کندرا پر الزام تھا کہ وہ فحش فلمیں پروڈیوس کرتے اور انھیں انٹرنیٹ پر فروخت کے لیے پیش بھی کرتے ہیں۔