قصور ڈپٹی کمشنر آسیہ گُل کا میونسپل کارپوریشن اور مختلف علاقوں کا دورہ

قصور۔ڈپٹی کمشنر آسیہ گُل نے میونسپل کارپوریشن‘گورنمنٹ گرلز ہائی سکول مان اور یونین کونسل بھیڈیاں کلاں کا اچانک دورہ کیا ، ڈپٹی کمشنر نے میونسپل کارپوریشن آفس میں افسران و عملے کی حاضری اور صفائی ستھرائی کا جائزہ لیا۔

ڈپٹی کمشنر نے پیدائش و اموات کے اندارج کے ریکارڈ کو بھی چیک کیا۔ میونسپل آفس میں آنیوالے سائلین کی معلومات کیلئے ڈیجیٹل فلیکس آویزاں کرنے کی ہدایت کر دی، میونسپل کارپوریشن آفس میں لوگوں کے بیٹھنے کیلئے بینچز اور پینے کیلئے ٹھنڈے پانی کا انتظام کیا جائے۔ ڈپٹی کمشنر کی ہدایت دفاتر میں صفائی ستھرائی کے نظام کو مزید بہتر کرنے کیلئے فوری اقدامات کئے جائیں۔

ڈپٹی کمشنر نے گورنمنٹ گرلز ہائی سکول مان کا بھی دورہ کیا۔ ڈپٹی کمشنر اساتذہ کی حاضری، صفائی ستھرائی اور کرونا ایس او پیز پر عملدرآمد کا جائزہ لیا۔ ڈپٹی کمشنر نے یونین کونسل بھیڈیاں کلاں کا بھی دورہ کیا۔عملے کی حاضری، صفائی ستھرائی اور ریکارڈ کو چیک کیا۔