قطرنےچین سےآنیوالےمسافروں پرمنفی پی سی آر ٹیسٹ پیش کرنے کی پابندی عائد کردی

قطرنے چین سے آنے والے مسافروں پرمنگل سے کووِیڈ19 کا منفی پی سی آر ٹیسٹ پیش کرنے کی پابندی عائد کردی ہے۔

باغی ٹی وی: قطرکی سرکاری خبررساں ایجنسی نے پیرکو ایک بیان میں کہا ہے کہ مسافر کی ویکسینیشن کی حیثیت سے قطع نظرروانگی سے 48 گھنٹے کے اندرپی سی آرٹیسٹ لیا جانا چاہیے اور اس کی رپورٹ منفی ہونی چاہیے۔

آسٹریلیا اور کینیڈا نے بھی چین سے آنیوالے مسافروں کیلئے منفی کورونا ٹیسٹ کی شرط…

قطراب ان 16 ممالک میں شامل ہوگیا ہےجنھوں نے چین سے آنے والے مسافروں پر پی سی آر ٹیسٹ کرانے اوراس کی منفی رپورٹ پیش کرنے کی شرائط عاید کی ہیں۔ان میں سے بعض ممالک نے قطر سے آنے والے زائرین پر ایک ساتھ پابندی عائد کی ہے۔

مراکش نے ہفتے کے روز’’انفیکشن کی ایک نئی لہر‘‘کے پھیلاؤ کے بارے میں خدشات کا حوالہ دیتے ہوئے 3 جنوری سے چینی مسافروں کے داخلے پر پابندی عاید کردی تھی۔

طیارے کی پرواز ٹائم ٹریول کرتےہوئے2023 سے واپس 2022 میں چلی گئی

چین کی حکومت نے7 دسمبر کو کروناوائرس پر قابو پانے کے لیے نافذالعمل سخت طریق کاراورپابندیوں کواچانک ختم کر دیا تھا اوراس کا کوئی پیشگی اعلان بھی نہیں کیا تھا۔ان پابندیوں میں لاک ڈاؤن، باربار بڑے پیمانے پر ٹیسٹ کرانے کی شرط اورسرحدوں کی بندش شامل تھی۔

چین میں اس سخت پالیسی کے خاتمے کے بعد سے ہر روز کووِیڈ 19 کے ہزاروں نئے کیس رپورٹ ہو رہے ہیں۔حکومت کی اعلیٰ صحت اتھارٹی کا کہنا ہے کہ دسمبرکے پہلے 20 دنوں میں 24 کروڑ80 لاکھ افراد یعنی کل آبادی کا قریباً 18 فی صد وائرس سے متاثر ہوئے ہیں۔