fbpx

قطری وزیرخارجہ اہم مشن پرپاکستان پہنچ گئے

اسلام آباد:قطری وزیرخارجہ اہم مشن پرپاکستان پہنچ گئے،اطلاعات کے مطابق قطرکےنائب وزیراعظم اور وزیرخارجہ شیخ محمد بن عبدالرحمن آلثانی پاکستان پہنچ گئے ہیں اور اس اہم موقع پر وزیر خارجہ شاہ محمود قریشی نے قطری ہم منصب کا استقبال کیا

قطری وزیرخارجہ پاکستان میں اہم حکومتی عہدیداروں سے ملاقاتیں کریں گے اورافغانستان میں‌ امن کی بحالی اورخوشحالی کےلیے پاکستان کی کوششوں کوتسلیم کرتے ہوئے ساتھ کھڑا ہونے کا اعلان بھی کریں‌گے

یاد رہے گذشتہ ہفتے وزیراعظم عمران خان اور قطر کے امیر شیخ تمیم بن حمد الثانی کا ٹیلی فونک رابطہ ہوا تھا ، جس میں افغانستان سمیت خطے کی صورت حال پر تفصیلی تبادلۂ خیال کیا گیا اور سیاسی و اقتصادی شراکت داری کو مزید مستحکم کرنے کا اعادہ بھی کیا۔

وزیراعظم عمران خان نے کرونا کی صورت حال میں قطر کی جانب سے کی جانے والی مدد کو سراہتے ہوئے کہا ’قطری حکومت کی 2 لاکھ سے زائد پاکستانیوں کی دیکھ بھال قابل تعریف ہے‘۔ قطر2لاکھ سےزائدمحنت کش پاکستانی تارکین وطن کاگھرہے اور پاکستانی تارکین وطن دونوں ممالک کی معاشی ترقی میں حصہ ڈال رہے ہیں۔

وزیراعظم عمران خان کا کہنا تھا کہ ’پرامن اور مستحکم افغانستان پاکستان اورخطےکے مفاد میں ہے،عدم استحکام کے بعدافغانستان میں پائیدار امن قائم کرنےکا موقع ہے،عالمی برادری افغانستان کی تعمیرنومیں مثبت کرداراداکرے‘۔