قطرى امیری فضائیہ کے کمانڈر سٹاف کی آرمی چیف سے ملاقات

باغی ٹی وی کی رپورٹ کے مطابق آرمی چیف جنرل قمر جاوید باجوہ سے کمانڈر قطر امیری ائیررفورس کی ملاقات ہوئی ہے

ڈی جی آئی ایس پی آر کے مطابق یجر جنرل (پائلٹ) سالم حمد عقیل النابت نے آرمی چیف جنرل قمر جاوید باجوہ سے ملاقات کی ہے .ملاقات کے دوران باہمی اور پیشہ ورانہ دلچسپی اور علاقائی سلامتی کی صورتحال پر تبادلہ خیال کیا گیا۔

ڈی جی آئی ایس پی آر کے مطابق ملاقات کے دوران چیف آف آرمی سٹاف جنرل قمر جاوید باجوہ نے کہا کہپاکستان قطر کے ساتھ اپنے برادرانہ تعلقات کو قدر کی نگاہ سے دیکھتا ہے اور پاک فوج بھی قطر کی مسلح افواج کے ساتھ دفاعی اور سلامتی کے تعاون کو آگے بڑھائے گی

ڈی جی آئی ایس پی آر کے مطابق دورہ کرنے والے معززین نے علاقائی امن و سلامتی اور قطر کی مسلح افواج کی تربیت میں کردار کے لئے پاک فوج کی خدمات کو سراہا۔

قبل ازیں گزشتہ روز سٹاف میجر جنرل (پائلٹ) سالم حماد عقیل النابت سربراہ قطر امیری فضائیہ نے اپنے وفد کے ہمراہ آج ائیر ہیڈ کوارٹرز اسلام آباد کا دورہ کیا۔انکی آمد پر پاک فضائیہ کے سربراہ ائیر چیف مارشل مجاہد انور خان نے معزز مہمان کا استقبال کیا۔ پاک فضائیہ کے ایک چاق وچوبند دستے نے انہیں سلامی پیش کی۔معزز مہمان نے پاک فضائیہ کے شہداء کو خراجِ عقیدت پیش کرنے کے لئے یاد گارِ شہداء پر پھولوں کی چادر چڑھائی۔

قبل ازیں قطرى امیری فضائیہ کے کمانڈر سٹاف میجر جنرل سالم حمد عقیل النابت کی چیئرمین جوائنٹ چیفس آف سٹاف کمیٹی جناب جنرل ندیم رضا سے ملاقات ہوئی اس دوران پیشہ ورانہ دلچسپی کے امور، علاقائی امن و امان کی صورت حال اور دفاعی تعاون کو مضبوط بنانے کے حوالے سے بات چیت ہوئی۔