قائد اعظم ڈے اورکرسمس تقریبات پر لاہور پولیس نے سیکیورٹی پلان تیار کر لیا

0
42

قائد اعظم ڈے،کرسمس تقریبات پر لاہور پولیس نے سیکیورٹی پلان تیار کر لیا

لاہور پولیس قائد اعظم ڈے،کرسمس تقریبات کی سکیورٹی کے لئے تیار ہو گئی ، مسیحی رہنماؤں اور چرچزانتظامیہ کی مشاورت سے کرسمس کے سکیورٹی پلان تیار کر لیا.

ڈی آئی جی آپریشنز اشفاق خان کے مطابق مسیحی برادری کو تہوار منانے کیلئے مکمل تحفظ فراہم کریں گے۔کرسمس اور قائد اعظم ڈے پر06ہزار سے زائد پولیس افسرا ن اورجوان ڈیوٹی انجام دیں گے۔کرسمس، قائد اعظم ڈے تقریبات کے شرکاء ماسک، سینٹائرز،کورونا ایس او پیز پر عملدرامد کریں۔

ڈی آئی جی آپریشنز کی ہدایت نے ہدایت کی ہے کہ گرجا گھروں اور اہم مقامات کا سکیورٹی آڈٹ کیا جا چکا ہے۔پولیس افسران گرجا گھروں اور دیگر اہم مقامات کی سکیورٹی خود چیک کریں۔

کرسمس سے قبل شہر بھر میں روزانہ سرچ اینڈ سویپ آپریشنز کئے جا رہے ہیں۔گرجا گھروں،عبادت گزاروں کو تین درجاتی حصار پر مبنی فول پروف سکیورٹی فراہم کی جائے گی۔
ڈولفن سکواڈ،پولیس ریسپانس یونٹ گرجا گھروں، مسیحی آبادیوں کے اطراف میں موثر پٹرولنگ کریں۔شہر کے داخلی اور خارجی راستوں پر بھی گاڑیوں اور اشخاص کی چیکنگ یقینی بنائی جا رہی ہےدعائیہ تقاریب پر گرجاگھر آنے والے اشخاص کو مکمل شناخت اور چیکنگ کے بعد ہی داخلے کی اجازت ہو گی۔

ڈی آئی جی آپریشنز نے پولیس افسران کوگرجا گھر انتظامیہ کو واک تھرو گیٹس، میٹل ڈیٹیکٹرزکا استعمال یقینی بنانے کی ہدایت ہے .

ڈی آئی جی آپریشنز کے مطابق گرجا گھر انتظامیہ کے نامزد رضاکاروں کو پولیس لائنز قلعہ گجر سنگھ میں ضروری تربیت فراہم کی گئی ہے۔حساس گرجا گھروں کی چھتوں پر سنائپرز اطراف کی نقل وحرکت پر کڑی نظر رکھیں گے۔پارکنگ گرجا گھروں سے مناسب فاصلہ پر بنائی جائے گی شہر کے اہم پارکس،تفریح گاہوں اور پارکوں کی سکیورٹی کیلئے اضافی نفری تعینات کی جائے گی۔ سکیورٹی اقدامات کا مقصد کرسمس سے متعلقہ دعائیہ تقریبات اور عبادات کو محفوظ بنانا ہے۔
٭٭٭٭٭٭

Leave a reply